هذه قصيدة الشاعر عبد المعين الثعلي ونترك هواة الشعر يستمتعون بها
سـلام ياعـد صباحـه وردنـاك=اليـوم ماعينـت لـي ورد جاكـا
ياعد وين اللـي طراتـه لياجـاك=اللي ليـا جيتـك يجينـي علاكـا
اللي ليا جيتك يجينـي علـى مـاك=واليـوم لاجانـي ولاجـا يباكـا
في ما مضى تدهل وروده ضمايـاك=واليوم من ورده خلي جـال ماكـا
اليـوم خلانـي وقفـا وخــلاك=واخلاك واخلا ورد مـاك وجباكـا
عد جفيت الطيّف الروح واخـلاك=وانته عليك الهـم منـول مداكـا
ياعـل همـال السحـاب يتعـداك=شيءٍ يحي دونـك وشـيءٍ وراكـا
لالاك ماشـد اريـش العيـن لالاك=لكن حاديه الضمـا مـن ضماكـا
وعساك تسقى يـوم حنـا نزلنـاك=من جاهزٍ خيـل عـلاك وسقاكـا
وعساك تمحل واصبح المزن لاسقاك=لالاك مـا صـار التفـرق لالاكـا
يا شوق ياللي عني البعـد ينحـاك=البعـد ينحانـي وعنـي نحـاكـا
خليتني واقفيت واقفـت رعايـاك=واقفت خطاي وعني اقفت خطاكـا
خليتني عقبك علـى حبـل الادراك=ابـا الحيـاه وطامـع ٍ بالدراكـا
اقفيت مـا علمتنـي ويـش نيـاك=لا قـول شـح ولا تجبـز عطاكـا
دايم على روهـاج حـي اتحـراك=لين أنسقم حالي وأنـا فـي حراكـا
لا أيّستبي وأيّس ولاأعرف حظايـاك=ولاقلت مطلوبك رخص في قداكـا
متى أحتري مدّك وجودك وعطـواك=وأنته عطاك قريّـب ٍ مـن رداكـا
ياجادل ٍ وإن جيت اوصّفك وأقداك=لاعبـج لاعريـان عـذب ٍ لماكـا
لاموز لاريحـان لاعـود مـن راك=لاتيـن لاتفـاح لاعـود راكــا
لاخوخ لارمان لاأعـرف حلايـاك=وإن كان هذي عايـزات ٍ حلاكـا
لاظيمران وساقـي العيـن ياطـاك=وعليـك للفـي الظليـل انفراكـا
يازين عطنـي حبـة مـن شفايـاك=لو مير ابا اخذ لي عليـك ادعـاك
ياذاك يالطـف الخواصيـر يـاذاك=والله ما اعلم بك ولا اقـول ذاكـا
من خوف هرجٍ يقتفينـي ويقفـاك=ابا اتحصـن عـن قفـاي وقفاكـا
اقفيـت ماعلمتنـي ويـش نيـاك=لا اقول شـح ولا تجـود بعطاكـا
دايم على روهـاج قلبـي تحـراك=لين انسقم حالي وانـا فـي رجاكـا
لا ايست منك ولا عرفنـا نوايـاك=ولا قلت مطلوبٍ رخص في فداكـا
ليتـك تعلمنـي بغيبـك ومعنـاك=لين اني اعرف ويش غيـب معناكـا
مدري تماري لي باالامـزاح منـاك=والا علـي مغـل مثلـي علاكـا
عطني عطاك الله ومد الك واعطـاك=لاتقصـر المعـروف منـي الياكـا
ان جاز لي لاماك جالـي بـلا مـاك=وان جزت عني جاز حالـي بلاكـا
والله مع اهل الجود مد الك واعطاك=واقبل ومن غيـري تبـاه ويباكـا
ولاعنق ريمي الجوازي ليـا صـاك=ان شاف له ذيـره وزيلـه نصاكـا
ولا ضيمران وساقي العيـن ياطـاك=وعـلاه للفـي الظليـل انفراكـا
ياعيسل ٍ من عالي الوقـب مجنـاك=ولا كل رقـاّيٍ ليـا جـا رقاكـا
ولا محمل الشامي ولا كنـه ايـاك=ولا انته بلامثلـه ولاهـو كماكـا
ولا من هل الغربي ولا التهم مربـاك=ولا من هل القعر الوتوت الحكاكـا
الشرق مربى لك ودارك ومشحـاك=دارك وديرة حيـك اللـي رباكـا
مابي على قربك وهرجـك ولامـاك=لامـاك ياغـروٍ علـى مستواكـا
لاماك لو نمشي واقـاري بلاأمـلاك=مافي يدينـا الا عصـاي وعصاكـا
لاشك من دونك حدونـي دنايـاك=دونك حدونـي وابعدونـي ولاكـا
ان جيت ارودك يا اريش العين واباك=دونك حدانـي واحـدٍ لـو أباكـا
يالله ياللـي كـل الامّـه ترجـاك=ياللي جميع الناس تطلـب رجاكـا
انـك تديـره يامديـرٍ بالافـلاك=يالله يالـلـي لا الــه إلاكــا
يارب دعوة مسخرٍ منـك وليـاك=يبيك تطلق له هـذا مـن هذاكـا
اطلق شبك من منشبه عسر الاشباك=يـا الله يامطلـق جويـد الشباكـا
من منشبه عسر الشبك كيف ينحاك=ينحـاك لـو مايحسبنـه يحـاكـا
يارب يوم اطلبك وأجهلك وانخـاك=انك لتقبـل دعـوة اللـي نخاكـا
كان اني امشي في مطوعتك وارضاك=ولا أذ ّي ولا استاذي واعاين رضاكا
واهوه مواذيني وحتى انت يعصـاك=ملعونٍ ويواذي العـرب ويعصاكـا
انك تحتـه مـن لزايمـك واعـراك=يارب حتـه مـن لزايـم عراكـا
وانك تجيـه بحيتـن مـن حيايـاك=والا تجيـه بمـرودٍ مـن سمـاكـا
ولاباق ٍ الا ّ ألم لي جمـع وأنصـاك=صبح ٍ ليا جـا للعيـار انسراكـا
حديتني عنهم عسى البيـن يحـداك=عن شف بالـي لا رحـم والداكـا
ويومني انخـا الله يضـرك بدنيـاك=ابـا عسـاه يفكنـي مـن غثاكـا
لاشك قلبي مجحـرٍ منـك واشـاك=لاشاك فـي حـالٍ وحـالٍ اشاكـا
لا شاك في حالٍ وفي حـال شكـاك=شـكٍ بـد حويرثيـن حشـاكـا
وياقلب يوم انصحك واعذلك وانهاك=عييت تقبل دعـوة اللـي دعاكـا
اقـول تبعـك للغناديـر عـنـاك=عناك ياقلـب العنـا مـن عناكـا
يلعب بك اطراق الهوى لين غـواك=واليوم ميز رشدكـا مـن غواكـا
لاعاد تعناني وانا عـاد مـا اعنـاك=من يـوم منحـلاً عليهـم رواكـا
ما احلاك يا قافن على ياك ما احلاك=انصح بك اللي باللحـون انتقاكـا
يلعب بك الشاعر على قـد معنـاك=وعلى سنع معنـاك يطـرح بناكـا
ستين بيـتٍ كلهنـه علـى يـاك=يازين ترتيبـي علـى قـاف ياكـا
sghl dhu] wfhpi ,v]kh;
12-07-2013, 10:09 PM
سلام ياعد صباحه وردناك
تعليمات المشاركة
المواضيع المتشابهه
