بسم الله الرحمن الرحيم
هذه القصيدة لوالدي الشيخ/دعيج بن جبار مرثيه في شقيقه الفقيد/سرور بن جبار رحمه وفي صلب القصيدة شكر وثناء لله سبحانه ثم لقبيلة العوازم من الروقه من عتيبه الذين ساندو والدي أثناء مصابه في هذه الحادثه.

يوم الثلوث الي مضا هم وأحزان = عساه يوم ٍ طرقته ماتعودي

عقبه وانا تايه وبايه وعمسان = وهموم قلبي صادرات ٍ ورودي

لسمع ولا استوعب من الهرج نيشان = واستغفر الله بركت بي سنودي

ماكن ربي حط لي قلب ولسان = وبوسط عيني كل الأيام سودي

على عضيد ٍ لي عليه القدر كان = وسط الكفن حطوه بين اللحودي

وأقفت ركابه يم مفرق دعيكان = الفجر الأول والخلايق رقودي

عسى ثرا قبره لهتان الأمزان = وبل ٍ تسوقه مرزمات الرعودي

ويسقيه من غيث الهماليل ربان = ويزرع ترابه بالنفل والورودي

عساك الك في جنة الخلد مسكان = في جيرة الرب الكريم الودودي

ياسرور عقبك جوهر الفكر شتان = كثرة تفاكيري وكثرة لهودي

لك وحشت ٍ من هولها شانها شان = بسبابها ياخوي باحت سدودي

أمشي وكني مامعي ربع واخوان = تقول مغيرك حد ٍ فالوجودي

والله مغير اجبر صوابي بالإيمان = وبالصبر والسلوان اكرس جهودي

ومن دبرة الرحمن ماني بزعلان = الأجل للمخلوق حد محدودي

ويارب لك شكر ٍ جزيل ٍ وعرفان = وألك الثناء يابرك وأخير معبودي

وبالخير تجزاء من غمرني بالإحسان = وقفاتهم تشفي غليل الكبودي

حصلتهم في وقت روغات الأذهان = يوم كبرت بلواي شدو عضودي

وأخص بالمعروف ذربين الأيمان = آلاد عاصي صادقين الوعودي

في مدحهم ماني بغاوي وغلطان = أهل الوفا ماينقضون العهودي

رفقت شرف وألها دلايل وبرهان = ولاهي غريبه من سلايل جدودي

---

lvedm ,hg]d hgadoL]ud[ fk [fhv td ardri sv,v