السلام عليكم ورحمة الله وبركاتة


تفضلو...


بعض العرب اقوال وافعالهم ماش=وبعض العرب يسبق كلامه فعوله
ماضامني الا من نخا واحدً لاش=واللاش يبطي والظفر ماينوله
ماعشت كثر الي نخا بالزمن عاش=واعمارنا...ماهي دليل الرجوله
لكن خذيت الحكمه الي بها اعتاش=بلسان ابوي الله يازين قوله
قال:الرفيق ان جار وقتك ولا شاش=كبه ولاتحاتي ولاتحوم حوله
ابعد عن الي لاضرب صدره انحاش=ولايلفتك حتى خياله وزوله
واحفظ جميل الكفو في غبة الجاش=حتى ترد الدين وقت المهوله
وانكر على الهايف مدامه هفا وطاش=عل ايتعدل ثم ترجع اصوله
لاتيأس وخلك على الزين نباش=انبش اذا ما النفس ماهي ملوله
والسيل ياتي قبل ميراده ارشاش=باذنه تعالى قوة الله وحوله
ان طال هرجي صرت للنصح هماش=والي بغى الذكري يبلغ رسوله
والنصح الاول..كان يُدفع له الكاش=واليوم ابهدي للخلايق مقوله
الفرق واضح بين حرً وخفاش=والعقل نعمه والفتى له ميوله

---

hgtvr ,hqp