السلام عليكم ....

هذه القصايد قيلت عندما قامت قبيلة الغنانيم وعلى راسهم الشيخ نايف بن ذعار بن وبصان شيخ قبيلة الغنانيم ببناء مخيمات وصيوانات في نفود السر الشهير بملتقى قبيلة عتيبه التاريخي

وبحيث انه لم يعطى هذا الموضوع حقه احببت ايرادها



قصيده للشيخ الشاعر / سلطان بن فارس بن وبصان


سر يا قلم واكتب على بيض الاوراق


من هاجسٍ طرد الهوى ما اشتقـــابه


يختار في زين المعاني ويشتـــــــــاق


وليا طرى طاريه ليله سرابــــــــــــه


الطيب ماهو سلعةٍ وسط الاســــواق


ما يقدره من لا يحسب حسابــــــــــه


يستاهل من ياخذ الطاق بالطـــــــاق


رجل نعرفه من نباه وجوابــــــــــــه


ابن ذعار اللي على الطيب سبــــاق


نايف يجيب الطيب والطيب جابـــــه


نسل الرجال اللي لهم فعل فتــــــاق


يوم القبايل للقبايل نهابـــــــــــــــــه


ماهو بخبلٍ للسواليف حــــــــــواق


يضيق صدره يوم يفضي جرابــــــه


يصبر على ضيم الليالي والارهاق


ذيب العيال ان كان فيهم ذيابـــــــه



هذه القصيده للشاعر / مضحي سلمي بن شبيب الغنامي ويقول فيها

سلام يا نايف يا امير الغنــــــــــــــــانيم

اميرنا لا ثار فالجـــو دخــــــــــــــــــــان

حطيت لك صيوان ملفى مغـــــــــــــانيم

وشرفتنا ما بين اجانب وعتبـــــــــــــان

نصبته لربعك ضيوف ومعـــــــــــــازيم

لاهان راسك يابيض الوجه لاهــــــــان

ولاهي غريبه وانت نســـــل الصورايم

ذعار ابوك وعالـــــي الجد وبصــــــان

الطيب يا نايف حظوظ ومقـــــــــــاسيم

فالناس من يربح وفالناس خســـــران

من قام حظه قدم الطيب تقديـــــــــــــم

يتعب لكسب الطيب لو كان ما كــــــان

والطيب ما يرهم على الرجل ترهيــــم

الطيب وهبة خالق الانس والجـــــــان

وهذي حياة الناس رحال ومقيــــــــــم

وانته كسبت الطايله يا كحيـــــــــــلان

ظهرت في موقف شيوخ ومراسيــــم

ولا هوب في موقف شكاوي وجحدان

ثبت مثل طويق وقت اللوازيــــــــــــم

شيخ وقف في موقفك بين شيخــــان

فعلك هذاه النا تفاخر وتكريــــــــــــم

تفرح به الاصحاب ويغيض عــــدوان

ظهور الرجال تشدها بالمــحـــــــازيم

وحزامك ربوعك على الوقت لاشـــان

قلته وانا ما ابغى من الناس تقيـــيـــم

ولابغى جزا في مدحي طوال الايمـــان

ولاحسب حساب هروج مسكين وبهيم

اللي على النمه سبوقٍ وشفقـــــــــان

اللي على شقر العصى له مقاديـــــــم

اللي سعى بالشين ما بين الاخــــوان

والحر حر ولا يبي زود تفهيــــــــــــم

وقد قيل قبلي زبدة الهرج نيشــــــان

في ملتقى عتيبه حظرنا غنانيــــــــــم

واميرنا نايف ذعار بن وبصــــــــأأن

وعلى رسول الله صلاة وتسليــــــــم

اللي بعث بالحق دعوه وتبيــــــــــان




وقصيده ترحيبيه ايظاً اثناء الحفل للشاعر مضحي ,,,,,,,,,,,,,,

إن جيت اسلم واجب ارحب بكل الحاظريــــــن

وان جيت ارحب واجب اسلم سلام المسلمين

لكن سلام ومرحبا واحد ويكفي عن ثنيـــــــن

بضيوفنا وشيوخنا وايظا جبرانا والحظـــــور




حنا غنانيمٍ لنا عاده ومن عاداتنا عـــز النفــــــــــوس

الطيبه نظفر بها والضايعه دسنا عليها الارض دوس

وان جات للوقفات والكرمات قلنا نعنبو جـد الفلـوس

نحطها في واجب الضيفان مهما كــان والدنيا تــدور




وليا اجتمعنا ما تفرقنا ولا فينا بخيل ولا ضعيف

وديارنا تعرف من الحره ليا غـــــــــربي عفيف

واليوم يجمعنا ولد وبصان في هذا المضيـــف

نايف عسى ربي يحفظه من صواديف الشرور


حنا تجمعنا على عزه ونومـــــــــــــــــاس وفخــــــر

واللي هرج فينا من اعدانا نلقمه الحجــــــــــــــــــر

يهرج بنا اللي عاجزن عن فعلنا هذا ولا عنده خبر

أنّا غنانيمٍ لنا وقفات من ماض العصــــــــــــــــــور




ومع ربعنا عتيبه ليا منه دعى الداعي نوقف كلنا

من عزة المولى لنا عزه ولا احــــــــــــــــــــدٍ ذلنا

وألنا سلومٍ تتعب اللي ما عرف دل الرجال ودلنا

والنا فعولٍ صعب يحصيها القلم بين السطــــــور



وختامها صلو على محمد شفيع الخلق فاليوم الكبير

اللي بعثه الله بالقران للامـــــــــــــــــــــــــــــــه نذير

صلى الله وسلم عليه الرحمه المهداه والهاد البشير

عداد ما وقع وما طارت من الارض الطيـــــــــــور

---

rwhd] rdgj thgado L khdt fk `uhv ,fwhk hgykhld td l.hdk rfdgm ujdfi