المواقف واجد وش نذكر وش نخلي بس ابعطيك اخر موقف وهو محرج وسيء للغايه
كان عندي اختبار في الجامعه في الظهر الساعه 3 والماده صعبه وانا ماذاكرت غير قبل الاختبار بليله في الساعه 2 الفجر وقعدت مواصل لين 11 الصبح وبعدها قلت اخذلي غطه واروح للاختبار المهم نمت ألى الساعه 2ونص وصحيت وانا مرتبش ومشفر من قل النوم ورحت للجامعه ومعها تاخير ودخلت المبنى اللي محددينه لي بس غلطت في رقم القاعه وخشيت في القاعه اللي جنبي وعند توزيع الاسئله طلع الاختبار انجليزي وانا قد اختبرته لي سنه وعرفت اني غادي وظايع وبعدها قلت مالي غير حل واحد اني اسوي نفسي زعلان واطلع من القاعه علشان اطلع من الاحراج وحذفت الورقه وقلت هاذي اسئله صعبه والمدرس اللي حطها مايخاف الله ولايبغانا ننجح وسويت شوية رجه وزعل الدكتور وقالي انت ملغي اختبارك اطلع برى القاعه وتعرف انا ماطمعتبها لاني ابغا ألحق على اختباري قبل يخلصون ويوم وصلت القاعه الثانيه حقت نفس اختباري لقيت الطلاب قد نصفو الورقه ونص الوقت انتهى وكلمت الدكتور المراقب وعقب معافر ومطاليب وافق اني اكمل الاختبار مع اخوياي بنفس الوقت اللي مابقيله غير نص ساعه وينتهي وانا نوب احل ونوب اضحك المهم اني افتكيت من المشكله القشراء