السلام عليكم ورحمة الله وبركاته
اخواني اعضاء المنتدى
الشاعر الكبير عبدلله بن علوش الهاجري
بقصيده رديه جرت بينه وبين الشاعر الكبير
سعد بن جدلان الاكلبي
قبل تقريباً خمس سنوات
..
عبدالله بن علوش
يقول:
يالله اني بوجهك من صدوف الليال
ومن عيال الحرام ومن رداة النصيب
كل ماقلت زان الحال مازان حال
وكل ماقلت قرب صار ماهو قريب
المحبه رصيد وكلها راس مال
والحسد داء مِعضل ناقله مايطيب
والخساير ماهيب إلا بروس الرجال
والي غير النشاما مانعده ذهيب
وانت يابو محمد ياكريم الخصال
يوم رايك سديد وناشدك مايخيب
ويش رايك بوقت زاد فيه الجدال
عقب مجد الشيوخ وقبل ظلم الغريب
الشعوب الوفيه والعمار الطوال
حل فيها شقاق ودب فيها دبيب
***
رد عليه بن جدلان
يوم عبدالله العلوش سوّى مجال
الخواطر توارد كل قلب لبيب
ياحميد السجايا ياكريم السبال
بيت طيب عمره الله على اساس طيب
خل عندك على ضغط الدهر وسع بال
لاتحس انك بدنيا قريب حضيب
كل ماكان فان الا عزيز الجلال
وكل عين تنام وكل شمس تغيب
وكان عادك مصمل في اجابة سؤال
خل خاطرك طيب وفرج الله قريب
شوف لاصرت تسمع كل ماهو يقال
كل يوم على المحراب خطبة خطيب
ماذكر في الجنوب تعينه في الشمال
وبارق ام القرى يبرق على تل ابيب
v]di fdk >> uf]hggi fk ug,a , su] []ghk