شاعر متميز
تاريخ التسجيل: Nov 2010
الدولة: السعودية : المنطقة الشرقية .
المشاركات: 5,715
معدل تقييم المستوى:
20
قصيدة عسير بن ساير رجمه الله
يا راكب اللي كن اذانيه حربه
حرٍ يسوقون المهر في ضرابه
يرعى القرار ان طال نبت الزهر به
من الوسم لين الصيف طاحت شرابه
لولا اللواحي عن رديفه زمر به
وليا نهره بالعصى جاك ما به
وليا عطى الأرض السواء كن ضربه
ضرب البرد من مستهل السحابه
انسف يمينك (كشب) ترى الجمر به
عط به رقاق ما تضالع ركابه
وعطوه من (عد الموازين) شربه
العيلم اللي على جال لابه
والهضب لا تاطاه ترى الخطر به
تراه مدهال العداء والحرابه
واصاحبي باول شهر وين قربه
وثاني شهر يابعد دار رعابه
وثالث شهر جاب الطروش الخبر به
يذكر من الشعبة الى اطراف شابه
والخد براق بليل سهر به
تمطر مقاديمه.. وتردم اعقابه
والقرن ذيل أكحيلةٍ قدم سربه
والا الجنايب يوم حل انصبابه
يالعين لاتبكين من البعد كربه
مدري لو الله عقب الأبعاد جابه
تصبري والصبر ماهو بذربه
صبرك بصبري لو زمانه نحابه
شوقي نحا بالشام والشوق غربه
من دونه اللي ينقلون الربابه
ياطير ياخفاق ريش شهر به
انشدك ماعينت جالي عذابه
عهدي بهم والصيف كل ظهر به
واليوم طلع الغيث مقفي اجبابه
__________________
من صد عني عنه يا عبيد صديت ...
ومن لا اعتبرني فالعرب مااعتبرته
التعديل الأخير تم بواسطة : الشاعر سلطان براك الغنامي بتاريخ 06-18-2011 الساعة 11:35 PM