الموضوع
:
ياطلال شف وش حصل واعذرني
عرض مشاركة واحدة
05-17-2011, 01:30 AM
#
1
ابو رامي
كاتب ماسي
تاريخ التسجيل: Nov 2010
المشاركات: 4,287
معدل تقييم المستوى:
19
ياطلال شف وش حصل واعذرني
ياطلال شف وش حصل واعذرني
ابو فيصل ونواف يتشرهون علي يقولون ليش تروح الطايف ما مريتنينا وابا اقص عليهم مشواري اليوم وانشاء الله اذا شافو معاناتي يعذروني
العلم سلامتكم على الله والسامعين
اليوم الصبح على بولة الذيخ يعني حول الساعه سبع بالتوقيت العصري سرحتها مع خط الطايف ويوم جاني مفرق المزارعه وانا افرق معه وشوي واليني اشوف قصور الفيضه هجرة الجداعين وامر واتعدى وشوي وليني متعدن دغبج ديرة المحاقنه واخليها مطب وشوي ولين في البركه هجرة العوالي وامر الفيصليه ديرة ابن عديس الشيباني وعشيره ديرة ابن حميد و وامرمخطط القثمه وشوي وليني وانا اقول سلام يالطايف واخذلي اعتراكه في الصناعيه واعكرها على المزغديه سوق الطيور ويوم جيت وليا مغار مراحهم وانشد هاك الغليم اللي من قوم طيحني ياولد وين سوق الطيور قال ويش تبغاء ببغاء والا عصافير قلت لا ابالي بط ووز قال السوق هذا زمان شالته البلديه على طريق الجنوب المهم مالكم في طوالتها لازم هذبتها مع طريق الجنوب مع اللوحات لين وصلت السوق مع اذان الظهر المهم لقيت طلبي واشتريت بطتين وفحلهن وليا واحدن جايني يشيله وباره وجوزها قلت ياولد الوباره للباع قل نعم ومني ومنه المهم شريتها باربعين واحطها في هاك الكرتون واجيك مروح وعما يعجز عنه ومشغلن المكيف المركزي ويوم جات الساعه اربع العصر وانا في المزرعه وانا انزل البطاط وهي تقوم تسبح في الماء وليا عندي تسلبتين من اغلا حلالي امهن سلقه وابوهن جعري وانا انزل الكرتون اللي فيه الوباره واثره منخرم وهنه يتناقزن من الكرتون وكل واحد ياخذله جهة والستلاب تدبك وراها وانا اعدي وراهن واومي بعمامتي نبزه حجله ليا ما احد يمي المهم ثارت العجه ويوم انجلت الغبره وليا كل تسلبه في فمها واحدن من البوباره واخمهن وليا واحد تسد فارق الحياه والثاني ينغش ودوب لحقة الذكاه فيه واعود احسب واليا الدراهم رايحه والوباره ماكوله
هاذي سالفتي اللي حصلت معي اليوم فابلله من يلومني ويشره عليه عقب ها القصه اللي رويتها
تحياتي لكل من مر من هنا
المصدر:
منتديات شبكة قبيلة الغنانيم الرسمية
dh'ghg at ,a pwg ,hu`vkd
__________________
منتديات قبيلة الغنانيم
ابو رامي
مشاهدة ملفه الشخصي
البحث عن المزيد من المشاركات المكتوبة بواسطة ابو رامي
2
3
9
11
15
16
19
20
21
25
26
27
30
31
32
37
38
39
41
42
43
46
49
53
54
55
58
59
60
66
69
70