هذي قصه تموووووووت ضحك .. انا عني اقراءها وانا فاطس ضحك ..
سرد القصه مميت ... مضمونها قاتل ... مقدمتها تجنن ... نهايتها ابدااع ..
هي قصه بنت تسرد قصه اخوها عبد الله يوم اعتمر مع جده اللي مسمينه ( هوق هوقن).
خذوهااا ,,,,,,,,,,,
سلآمن عليكم ورحمة الله وبركآـكآكآكآتوووووه
تسيف الحآل . انشآلله تعبآنين , دوم يآرب .
كح كححح كح
<< تبي تعلمكم انهآ مزكومه .
أقول مثـل مآعودتكم أجيب لكم سوآليف أخوي ( عبود ) ,, ألطشهآ لطش ,
يالله هذي يوم رآح مع جدي لمكــه , والله تووحفه هالسآلفه ..
أخليكم مع المذيـع : عبود , ليحكي لكم سآلفته الملعونه << يآعيني ع الأسلوب .
ـ ـ ـ ـ ـ ـ ـ ـ ـ ـ ـ ـ ـ ـ ـ
رحلتي لمكة مع الهوق هوقن جدي
:::
:::
أولا, ومن باب القراش أحب أن أقول لكم
اللي عنده شغل ومهوب فاضي لا يتعب نفسه ويقرا الموضوع
واللي فاضي وما عنده شغل برضو لا يقرا الموضوع
>>> الموضوع للعرض فقط
المهم ما لكم بالطويلة ,, والطويلة وش تبون فيها
عليكم بالمتكتكه الجبرة اللي متونها كبار بين قوسين مكلفخه لغير الناطقين باللغة المكسيكية
هذا سلمكم الله ...
ولا تدرون ما جازت لي المقدمة
أبعيدها 
بسم الله الرحمن الرحيم
ومع السلام عليكم ماشاء الله عليكم
يقول الشاعر :
لاصرت بإجازة والطفش حاديك *** نزل موضوع بالمنتدى أصرف لك
وبعد غياب طويل عن الكتابة والقراءة والخط والتعبير والأملاء
وكل ما يخطر على بالكم من مواد الأبتدائي .. 
ها أنا ذا أعود إليكم وكلي حماس وجهاد وصالح وخالد
وإلى الخطيبة الغالية وإلى كل مستمعي الأف أم
<<<< أقول ورا ما تاكل تبن
<< ليه؟؟
<< بس كذا
<< طيب
في يوم من الأيام يعني تقريبا منذو مدة
رحت لمكة عندي دوره هناك
أقصد ذهبت لمكه لأعتمر وهذا شي واضح ومؤكد وصريح وجلي
فذهبنا تغمرنا الفرحة والسرور والغبطة والحنكة والدهاء وكل أنواع كل شي
وكان بصحبتي جدي ( الهوق هوقن ) وأختي في الله أمي الحبيبة زوجة أبوي
فكنا مسافرين على سيارة واحده >>>> أنت متأكد
وصلنا إلى مكه بحمد من الله وسلامة بعد أن أحرمنا في الميقات
فوجئنا بوجود المسجد الحرام هناك . 
<<< حلووووه
لأني كل أبو دايم يوم كنت صغير , كنت أعتقد أن العمره للمدينة المنوره والحج لمكه
>>> من يوم جابته أمه وهو والتناحة ماتفارقه لا ليل ولا نهار
فلما دخلنا المسجد الحرام فوجئنا بعد .
بأن الجهات المختصة سمحت للباصات بالطواف حول الكعبة
>>> حريم بس اللهم يا كافي ,على شكل باصات
الوحده منهن ما تدري هي جاية ولا رايحة
طبعا من الضخامه اللهم يا دافع البلاء بين قوسين فرث
وأنا أقول بنفسي الناس هذولا ليش يعكسون الطواف
فقمت بالطواف وعلى يميني جدي وهو قاعد يصفقني على علباتي
ويقول : اللي يبي يعتمر ياملعون الجدف ما يلبس سروال تحت الإحرام يا تيس
وعلى يساري شخص ولكن مهوب أي شخص
كلما أنظر إلى هذا الشخص أتأمل الأية الكريمه
التي تقول ( أفلا ينظرون إلى الأبل كيف خلقت )
ويآآآويييليي , وآآحيييهآآآ على هذيك الحُرمه , مووت , الا وأنطل الرقم ,
<<<حشـى مو رآيح يحج هذآ
<< مآهو بعآقل الي بيصك الستين .
فأتممت طوافي بعد مشقه كبيره نظرا للزحمة الشديده
ولفت نظري تواجد بعض الجمال السائبة التي سببت كوارث إنسانية
راح ضحيتها واحد من الربع على طريق دخنه وأنت طالع للصخيبرات
وبعد أن أتمت الطواف ذهبنا إلى المسعى
فوجدنا أن المسعى لا يسعنا >>> يا روحي على السجع
وهذا أيضا بسبب الزحمة والكثافة السكانية .
فأكتشفت وبذكاء خارق مني أنا شخصيا
أن سبب هذاالزحمة هو تواجد المعتمرين في المسعى >>> الله لا يضرك
<<<< تف تف تف ما شاء الله عليك .
فاضطررت إلى السعي بوجود الزحمة
وأثنا السعى وصلت إلى مكان الهرولة , ما دريت إلا والناس تركض ما تهرول
وش سويت أنا عضيت ثوبي <<< فقشك اللي ما ياويلك يالتسذوب
وركضت معهم ولا ردني إلا زنوبه على علباتي , أثريه جدي
يقول :أبك ودزف جعله يا قف الماء ببطنك
ترا والله لين أوزمتني أني لأشنكرك فوق الكعبه يا ولد بليس .. ذي هنا
بعدين أنااستغربت بشده وإصرار من شغلة واحده
وهي كثرة تواجد الشغالات .
فقلت في نفسي يا ليتنا جايبين ( دينا ) معنا <<<< دينا هذي شغالة جيرنا
خلها تشوف صديقاتها وبني جلدتها
<<< والله من اللعانه جايب أسم شغالت جيرانهم
وبعد تعب وروحه وجيه وسعي بين الصفاء والمروة , خلصنا من السعي
قعدت ألتفت يمين وألتفت يسار .. ألتفت يمين وألتفت يسار
كذا مره ألتفت يمين ويسار <<< ما شاء الله دقيق الولد <<<< دقيق ولا طحين هع
أدور جدي تارة وأبحث عن جدي تارة أخرى
فتأكدت في هذه اللحظه أني ضايع
ولا يوجد معي إثبات شخصيه ولا حتى بطاقة أحوال <<< يوجد فرق
فقعدت أجعر جعيرا يسمعة الذي قاعد يحرم عند الميقات
فسمع جدي جعيري .. وأتى قادم إلي على حصان أبيض
وأتشلني بمخمس على جبهتي لم أصح منه إلا وأنا في الشقة
فسمعت جدي يقول لأمي : أنا قايل لكم لا تجيبون البزارين معنا
فقالت له أمي : يا أبن الحلال خله يجي يعتمر ويستانس
فقال جدي : المفروض أني كاتب على علباته
( أملاك خاصة ) وحاط رقم جوالي
>>>>> 
مستانس الغبي
أحسست في هذه اللحظة أني تبع العائلة الكريمه
<< جدي مهوب مقتنع أني صرت كبير
بغيت أقوم وأتثبت له عكس ذلك ,, بس هونت
أبيه يشوف علامة GLX اللي مكتوبه على علباتي << أهب سته سلندر
ومن دهائي الزائد وحنكتي وطول بالي وكماختي أيضا وصقارتي
قلت لجدي كلمة : لو ما أخذتوني معكم من اللي راح يسوق فيكم
<<< يقالي مسكت جدي مع الرجل اللي تعوره
فقال لي : الله من زين السواقة ,, طايرن فينا بين السماء والأرض
اللي يشوفك على سرعتك هذي , يقول أن مكة تبي تهج
في النهاية
قلت لجدي : يا جداه هل خلصنا العمره .. قال أيه خلصنا
قلت له أكيد نبي نرجع للريآض <<< وش رايك أنت
فرجعت وأنا كلي شوق وحنين للريآض
ومن كثر الشوق اللي فيني
ما فيه مخالفة سرعة على طريق الريآض و المدينه إلا وأخذتها
بس هي نقطة تفتيش وحده , توقعت أنهم ما يعطوني مخالفه
توقاعتكم ليش ؟؟؟
لأني تحديت نفسي وقلت: أبي أكفش رادارهم وأشوف وين هم حاطينه بالضبط
فصرت أمشي ببط شديد ويوم شفت الرادر ..
وأنا أصفط يجنبه وأقعد أكبس النور لخلق الله
وكل ما مرت سياره .. أشر على دورية أمن الطرق وأقول ترى هذا رادار سرعة .
ويوم وصلت نقطة التفتيش قلت للعسكري تراي شايف راداركم , وما أسرعت
أتحداكم تعطوني مخالفه
ومع هذا عطاني مخالفة سرعة ..
لأني كنت مسطل شوي وواقف عند رادار الطريق اللي رايح للمدينه مهوب العكس ..
وووبص
تحيآتي / عـبـ~ود
ـ ـ ـ ـ ـ ـ ـ ـ ـ ـ ـ ـ ـ
العن الله أبو خشمك يالخسيس , جآلس تغآزل وتنطل الرقم بعد هآآه .
والله ماأخليه هال ...... << مآيصلح أقول عيآرته علناً .
وبعدين المفروض يحط
تحيآتي / ][ شآيب مهستر ][ مو عبـ~ود .
هع , يالله نمشيهـآـآ
بس لو يدري اني ألطش كتآبآته ان يزنطني .
الله الله بالردود ,
مع الصـلآمه .
//
اعدآد : يدي
تنسيق : مخي
اشرآف : عيوني
تأليف : أنآ وأخوي الشآيب .
والصلآم
Hjp]hhhhhh;l lhjqp;,k >>>