يالربع انا حاولت اني ابعد عن الحقيقه بس الرجال مصر على انه يجرح شعوري وعلشان كذا ابا اعلمكم بالحقيقه
الرجال اتصل علي من رقم ثابت وعرفت فيما بعد انه رقم شرطة عفيف وقالي انا محجوز في شرطة عفيف وطالبين علي كفيل وسألته عن السبب وقال صدمة سياره واقفه وقلت ويش دخل الشرطه في الحوادث هذا من اختصاص المرور وسكر الخط وبعد شوي اتصلت على نفس الرقم وطلبت الضابط المناوب وسألته عن موضوعه وقال الرجال مشتكيته وحده من البساطات اللي في سوق البدو في عفيف تقول رحت اصلي ويوم جيت لياهو مغوبرن على عوايزي يفتشها ويوم شافني ارتبك ولياهو ملن مخابيه شرابات العايله وعلى شان كذا الرجال محجوز وطالبين عليه كفيل لين تحال معاملته للمحكمه
وقلت للضابط لو سمحت عطنيه ابا اكلمه وكلمته وجحد الموضوع وقال تعال اكفلني وقلت انا عندي عشاء ما اقدر اجيك وزعل علي وسوى على سالفته اللي يقول اني ما عزمته
هاذي السالفه من طقطق الى سلام عليكم