الموضوع
:
السرقان الثلاثه .....
عرض مشاركة واحدة
03-17-2011, 06:43 PM
#
1
سموالذات
كاتب ماسي
تاريخ التسجيل: Dec 2010
المشاركات: 8,015
معدل تقييم المستوى:
23
السرقان الثلاثه .....
السرقان الثلاثه .....
بسم الله الرحمن الرحيم
السلام عليكم ورحمة الله وبركاته
جبت لكم قصه من الارشيف.كان يحكيها والدي
لنا وعمري 9سنوات وحافظها للحين واليوم قلت
انزلها لكم كي ترو دهاء ولكاعت
السرقان
الثلاثه
(التشويش على الشاهد الوحيد على الجريمه)
كان فيه ثلاث شبان وامهم نازلين جنب بئر. وكلما جأت اي ماشيه تبي تشرب
مسكوها وذبحوها واكلوها هم وامهم . واذا جاء صاحب تلك الماشيه انكرو انهم شافوها. وعلمت امهم عليهم هي كبيره في السن وماتحفظ السر. ثم راحو يدفعون قيمتها اما مبلغ مالي ولا من المواشي حقتهم . ومره من المرات يجيهم ناقه وولدها وهم يطرحون ولد الناقه . ويذبحونه كعادتهم . ويقومون يفكرون كيف نشوش على امي علشان ما تعلم علينا. واتفقوعلى هذه الخطه
ياخذون سطلين من الما واحد حار وواحد بارد ويصبون عليها من فوق البيت مره من الحار ومره من البارد. قالت هذا وش قالو المطر. ويحطون السراج فوق الصفيف الي يحطون عفشهم عليه والسراج عادة البدو يعلقونه في العمود الاوسط حق البيت. قالت هذا وش قالو القمر. وياخذون الزناد ويقدحون به تحت الرواق قالت هذا وش قالو البرق . وطبخو اللحم وجابو عضم شاه وحطو عليه هبره من الحاشي وعطوه العجوز. قالت هذا وش قالو لحم غنم .
والعجوز شوفها ضعيف المسكينه والكبر مأثرعليها وانطوت عليها حيل عيالها الا اللحمه؟
وعقب اسبوع لين صاحب الناقه جاي . قال ما عينتو لي حاشي وردت امه على البير وجت وهو ما جا معها. قالو لا والله ما عيناه ؟! لين العجوز طالعةً علاهم قالت انتم وش تدورون ؟ قالوندور لنا حاشي ما شفتوه . قالت هاك اليوم.
يوم المطر حار وبارد . والقمر فوق الصفيف . والبرق تحت الخرق . جابو لي عيالي لحمة حاشي على عظم شاه ؟!!
وهم يتلافتون في بعض !! قالو عجوزكم وش تقول.قال واحد منهم والله امي مهذري الله يعينا علاها حتى حنا ما ندري وش تقول !! قالو سلام عليكم ومشو !!
ونجحت خطة السرقان. وللمره الاولى لم يدفعون تعويض عن سرقه
وش رايكم فيهم ماهم اذكياء .. هههههههههه
ولكم خالص احترامي وتقديري الى القاء
المصدر:
منتديات شبكة قبيلة الغنانيم الرسمية
hgsvrhk hgeghei >>>>>
__________________
منتديات قبيلة الغنانيم
سموالذات
مشاهدة ملفه الشخصي
البحث عن المزيد من المشاركات المكتوبة بواسطة سموالذات
2
3
9
11
15
16
19
20
21
25
26
27
30
31
32
37
38
39
41
42
43
46
49
53
54
55
58
59
60
66
69
70