*****************
كان هناك رجل راعي تجارة يتنقل من ديرة الى ديرة المهم المرة هذه انتقل الى ديرةٍ واستقر فيها وفتح لــه محل وقاموا هل الديرة يشترون من عندة لوازمهم،
وكانت تقضى من عنده عجوز طاعنه في السن وتمزح معه بالكلام وتقول اللــه يكفيك كيد الكائدات ويرد عليه يقول مالكن كيد ولاشيء وتردد عليه هالكلمــه المهم طالت إقامته في الديرة هذي وجته العجوز كعادتــها وشايلةٍ في خاطرها من كلامة وقالتله أنت وراك ماتدور زوجة تأخذها على سنة الله ورسولة أخير من قعدتلك لحالك،
المهم فكر في الموضوع وقالها على يدينك قالت الفلاني عندهـــ بنت مزيونة وقامت تحط فيها كل شيء مملوح وأبوها رافض تزويجها رحلــه .
واذا وافق وافق وتراه يبا يقول البنت ما تصلح ومعوقه ويبا يعذرب فيها وأنت قــل مابي غيرها وقابلها باللي فيها وطبعاً مثل ماقالت العجوز،
بعد ماراح لبوها وخطبها قال الكلام اللي تقوله العجوز وقال أبيها باللي فيها المهــم تزوجها الرجال بمهر غالي شوي ويوم جاء اللاله الاولى لقاها فعلاً معاقة ولا تصلح ربة بيت الرجال انصدم منها يوم شافها وأصبح الصبح لينــه متندم الدراهم مأخوذة والبنت معوقة وأمورة متصلفقه وينتظر العجوز اللي ورطتــه المهم مرت علية العجوز وقالت هاهــ يافلان وقاللــها تعالي فكيني من ورطتك اللي أنتي ورطتيني فيها لا أقدر أطلقها ودراهمي ما هيب راجعة ولا أقدر أخليها شوفيلي حـــل:::
وقالت العجوز أنت تقول مالكن كيد ومدري ويش قال أبك أقر أن الكن كيد وكايدات بس شوفيلي حل قالت هــا رح واخذلك دلال ونجر وأدواتك وابســـط ورب الدلال وإذا سألك أحــد قل : أنا تفقرت وأبا أرجع لمهنة أبوب وأجدادي المهم شافوه الناس يوم يقول ذلك وحطو اللوم على نسيبه اللي مزوجــه وقالوا يا فلان أنت مزوج الصلبي وراحلــه قال أقول طلق البنت لا أبوك وأبو جوازك وقال ماني بمطلق لين تــرد علي حلالي قال هادوك حلالك وفكنا منــك المهم طلق البنت ورجعلوه دراهمــه ومرت علية العجوز وقالت هــذا من كيد النساء ورطناك وطلعناك من الورطــة فأعترف بكيدهـــن ..... وانتهــــــــت القصة ..........
** الأخــوات المتواجدات معنــا لا يأخذن على خاطرهن من كلمة كيد النساء السالفــه قديمة والعجز تغيرن هالحين وش زيــن حكمهن وكيــــــــــ.......
;dJJJJJ] hgksJJhx