العلوم سلامتك يابو فيصل
اليوم قلت ابا اسوي مصلاح يوم جا بين الصلاتين وانا احتاش ضاني قلت خلها يتطلق عصبها وترعى في الحياء وياليتها سلمت مني شفتلي ثنوه تلعتن خضراء قلت الربيع وفكيت الضان فيها واثر كل نبتها ( العفانه) المهم يوم اخذت لي نص ساعه وليا الضان رايحتن حويسه اللي تناطح واللي متصرعه ويوم شافتني اقبلت علاها وهي تروح قطاعين
اثرهم يابو فيصل يوم سمو المخدرات على
العفانه مالهم حيله انا اشوف راعي المخدرات اللي يتعاطاها كل يوم على مزاج ويشك حتى في نفسه ولو الهرجه موجهه لغيره لقطها وقال ويش تقصد
وحتى لو انه عاقل ساعه والا ساعتين يتبدل مزاجه وراح يشكك في اللي حوله حتى اليوم شايفن واحد منهم يعمعم تقول شاة اكلتن من العفانه لين شبعة
اثرها يابو فيصل تسويله سوات العفانه في الغنم الله يكافينا
هذا العلوم وانتبه
لغنمك من العفانه لاتخليها ترعى فيها يجيها ما جاء غنمي اليوم
'ghg hkjfi gykl; ghjvun hguthki