هذه القصيدة من موضي القوين الغنامي اطال اللة عمرها رثاءونعي في ابنها الوحيد رحمه اللة واسكنه فسيح جناته سحمي ساير سحمي الغنامي ----- وارجو من الجميع الدعاء له بالرحمه والغفران-------
ليلة اسى ليلة قهر ليلة احزان
في ليلة مامثلها كل ليلة
افراق واهموم ومصايب وحرمان
فرقى وحيدي ياجماعه ثقيلة
بكيت من كثر القهر كل الاحيان
ابكي وغيري ف احلامن جميله
غيري حياته دوم مسرور فرحان
وانا حياتي ف اهمومن جليله
عساك ياوليدي بخير وطربان
وعساك تبعد عن جحيم ومليله
وعساك عند الله معزز ولك شان
يارب يارب ياللي كلنا نشتكيله
جاني الخبر من شدته عشت بحزان
ودموع عيني فوق خدي هميلة
عساك ياسحمي بجنات رضوان
في ظل ربي دايمن والتجيلة
ادعية كل الليالي لين الفجر بان
ادعيه واطلب دوم راعي الفضيله
يارب ارحم ابني ياخير رحمان
يارب اعتق عبدك من المليله
يارب احمه من عذابن ونيران
ارضاك غايتنا وبذلنا الوسيله
يارب يارحمن يارب الاكوان
ندعيك ياللي ماتجي كل ميله
يارب اغفر له وعساه بجنان
ويارب نجه من سعاير مهيله
سبحانك يارحمان يالله يامنان
وندعيك باسماك العظام الجليله
يارب يامطلوب ياعالي الشان
ارحم وليدي اللي صفاته جميله
باليل افكر فيه في كل الاحيان
وشي احواله وش كسب من حصيله
خوفي عليه اقلق منامي والاوجان
صارت ممر الدمع في كل ليله
اول مانام الليل لاصار سهران
يعوضه ربي جنانن ظليله
اذكر طفولة سحمي بماضي الازمان
ايام يوم انه طفل ياحليله
نلعب عليه ونضحك ان صار زعلان
واللي يبي اذ طلب نشتريله
واليوم راح ونسال الله سلوان
ولاانساه لوناخذ السنين الطويله
وداع ياوليدي ويجزاك غفران
يارب جعل الهم عنا تزيله
والقوه بالله والصبر باهل الايمان
والصبر ثنتين ستر ونفيله
واختامها يالله سحمي بالجنان
ويغفر له اللي كلنا نلتجيله
rwd]m vehx lcevi []h td spld shdv hgykhld