اليكم الحوار بين دب و نحيف
ــــــــــــــــــــــــــــــ
النحيف :
وينك فيه يا
الدب سمعت انك متنكر وموقف في الشارع
والعالم يدورن حواليك يحسبونك دوار
ــــــــــــــــــــــــــــــ
الدب : لا يا جنط انا اللي سمعت انك متنكر وخاش مكتبه
وقاعد على اساس انك قلم رصاص
ــــــــــــــــــــــــــــــ
النحيف: يا رجال كل تراب والله لو تصبغ جوانبك
اسود وظهرك اصفر صرت كنك حراثه
ــــــــــــــــــــــــــــــ
الدب : الحين من زين جسمك والا نسيت
يوم طلعنا البر ونمت على طعس
بغى يدعسك ونيت يحسبك حيه ( أم جنيب)
ــــــــــــــــــــــــــــــ
النحيف: ابحلف بالله انت وجسمك انك لو تنسدح
على جنبك الايسر
وترفع يدك اليمنى صرت كنك عفريتة قلابي
ــــــــــــــــــــــــــــــ
الدب : قويه هاهاهاهاها لكن شكلك نسيت
يوم تمرض وتروح الدكتور
وقال نبي نسوي لك اشعه x
قال مايحتاج
وخذك وحطك على لمبة المكتب
وشاف وش اللي فيك
ــــــــــــــــــــــــــــــ
النحيف : يارجال من شفتك لين جيت تركب السياره
دهنت جوانبك بفازلين
علشان تزرق في السياره وانا غاسل يدي منك
ــــــــــــــــــــــــــــــ
الدب : ايه ولين ركبت جنبي قمت اعشق فيك
احسبك القير من نحفك
ــــــــــــــــــــــــــــــ
النحيف : أقول أها بس أهااا
من سمنتك صار الواحد يشوف خدودك وهو واقف وراك
صايره خدودك كنها مخابي كوت فيها فصفص
ــــــــــــــــــــــــــــــ
الدب: اقول الحين متميلح نفسك انت وعصاقيلك
اجل تبيني اصير مثلك
لين جاء هواء طقو اهلك في ثوبك مسمار في الارض
يخافون عليك تطير
ــــــــــــــــــــــــــــــ
النحيف : تدري كل ماشفتك ياالنفيخه
تذكرت هاذاك الرجال حق كفرات ميشلان
اللي في الدعايه
ــــــــــــــــــــــــــــــ
الدب : ماشفت نفسك وانت واقف
ترى رجليك ساق بدون ركبه
ــــــــــــــــــــــــــــــ
النحيف : اقول سمعت ان اهلك يروشونك
في الحوش بمكانس من كبرك
ــــــــــــــــــــــــــــــ
الدب : انا سامع ان اهلك لين جاءوا يروشونك
غمسوك بأقرب بيالة شاهي
ــــــــــــــــــــــــــــــ
النحيف : كل تبن
سمعت انهم صوروك يبون يطلعون لك جواز
ويوم حطوا صورتك كتبوا تحتها
( تتبع في الصفحه الاخرى )
ــــــــــــــــــــــــــــــ
الدب : انا سمعت انهم صوروك 4 في 6
طلعت كلك
ــــــــ=========ــــــــ
ومازال الهواش مستمر بينهم
بس انا قمت عنهم
قبل يصير فيها قبايل
h[lg p,hv fdk hg]f ,hgkpdt iiii