أولا :
اول شيء تسويه إذ بعت سيارتك أنقل الملكية تري القسايم على اللوحة بعد شهر تدبل
ثانيا :
أي سيارة بإسمك ولاتستقيد منها بعها ولو تشليح ولو تخسر من جيبك ترى بعدين تكثر عليك الغرامات
لكون السيارة كل ثلاث سنوات تجدد ولوكانت خربانه وواقفه في الخلا الكبيوتر مسجلها بإسمك ولايدري عنها انها خربانه
ثالثا :
لاتعطي المراهق سيارتك ولاتشتري له سيارة ترى بعض الوفيات والحوادث من الهدية القاتلة
وتقبلو خالص شكري وتقديري
والذي عنده نصيحه يضيفها
والدي فاضي بن ساير له ابيات ينصح صديقه فيصل الجداعي الله يرحم الجميع يقول فيها
القصيدة
ليتك يابن معصب تطلق لطيفة ـــــــ نصيحتن ماهيب للبيع مهداه
تكبها زال الدعاوي خــــفيـفه ــــــ من قال ابا اشتال الجمل مااحرز الشاة
تخطربنفسك والخطر منه خيفه ــــــ وتلحق سوالف ملحق القوم وأجناه
والغل يصدي بالقلوب النظيفة ــــــ والبطل معتمده تقارب مناياه
واليا استمدت جاب قلبك غريفه ــــــ وحدك على علمن تظرك قفياه
وجتك بولد عمه وجتك بوليفه ــــــ وهاشوا وكلن مد بالهوش يمناه
اما ذبحت ورحت وانت بشفيفه ــــــ والاذبحت وزيد يقعد لمن جاه
حنا يا فيصل كل حال جربناه ــــــ إليا استوت مثل الليالي المريفه
والي يقفي خايبن من ترجاه ــــــ ماتنشد الي جاه ماجاك ثم جاه
صبرت عن من حط حالي سنيفه ــــــ يومن قلبي شاف ماعاف خلاه
اليوم مانفسي عليه بحسيفه ــــــ اقفيت عنه إقفاي من شد عن ماه
الي هله شدوا ونفسه عزيفه ــــــ وغسل هدومه واستقلت ظماياه
kwdpm g]kdh;l ,jkfdi r] dytg uki fuq hgkhs