^^
ياسلآم
الله يسامح غيبتك ويش سوّت
عقبك حياتي مع مماتي تسآوت
أضعف همومي في غيآبك تقوّت
وأصغر جروحي بالحشآ ما تدآوت
ودارٍ بها بسمة محيآك ضوّت
أركانها عقب انقطاعك تهآوت
وذيك الورود اللي بحبك تروّت
سقّآيهآ من غاب قامت تمآوت
وقصيدي اللي بالدفآتر تنوّت
وزنه تكسر والمعاني تلاوت
صفحات فرحي ياحبيبي تطوّت
كأن السعاده مع كفوفك تخآوت
أسمع صدى صوتٍ مع الليل صوّت
وين انت ياخلٍ له الروح هآوت
فك الحبال اللي عليه تلوّت
واشف النفوس اللي بعد ما تشآوت