السلام عليكم ورحمة الله وبركاته :
هذه قصيده للشاعر المبدع : سداح الغنامي العتيبي .. اتمنى ان تنال على استحسانكم ..
جعل ربّي يبيّض وجهـك المستديـر
يوم منك العزيمه جات فـي حلّهـا
مانبا لك خروف .. ولا نبا لك بعير
نعمـة الله علينـا ضافـي ٍ ظلّهـا
كثّر الله خيرك وأنت مافيـك خيـر
معرفتـك القديمـه فالبحـر بلّهـا
ياخويّ المشالـح للمصالـح سفيـر
ألتفت للعلوم البيـض وأفطـنّ لهـا
دايم معزّبك يومي بسلـك الحريـر
وإن لقاله طراقـي .. تلّهـا تلّهـا
يجمع الشّعر والشعّار في جوف بيـر
والضوامـي تحامـي عنـه ويعلّهـا
مير ما كلّ سيـر ٍ بالمداهـن يسيـر
وأبك حناّ رجـال ٍ ثابـت ٍ دلّهـا
بين مشلح طويل .. وبين مشلح قصير
مانعبـد البشـوت ولا نهلـلّ لهـا
معك أمانه تبلّغـه السـلام الكثيـر
ودلّتـه عـن جنابـي قلّـه يزلّهـا
وصّله بيت واحد من صميم الضمير
يكفي عن البيـوت الباقيـه كلّهـا
والله أنّي ما أذمّك يا سمـو الأميـر
مير بعض المدايح منـت كفـوّ لّهـا
,hggi hkd lh h`l; dhsl, hgHldv = ldv fuq hgl]hdp lkj ;t,W gih