بسم الله الرحمن الرحيم
أسعد الله أ وقــآتكم بكل خيـــر ،،
هذي قصيده أم حمدان بعد أن ذهب بها ولدها للمصحة ( دار العجزه) أو كما يقال ( دار النسيان)
نعوذ بالله من قسوة القلب ومن عقوقالوالدين ،،،
وين انت يا حمدان امـك تناديـك وراك ما تسمـع شكايـا وندايـا
يا مسندي قلبي على الدوم يطريـك ما غبت عن عيني وطيفك سمايـا
هذي ثلاث سنين والعيـن تبكيـك ما شفت زولك زاير يـا ضنايـا
تذكر حياتي يوم اشيلك واداريـك والاعبـك دايـم وتمشـي ورايـا
ترقد على صوتي وحضني يدفيـك ما غيرك احدٍ ساكن فـي حشايـا
واليا مرضت اسهر بقربك واداريك ما ذوق طعم النوم صبح ومسايـا
ياما عطيتك من حناني وبعطيـك تكبر وتكبـر بالأمـل يـا منايـا
لكن خساره بعتني اليـوم وشفيـك واخلصت للزوجه وانا لـي شقايـا
انا ادري انها قاسيـه مـا تخليـك قالت عجوزك مـا ابيهـا معايـا
خليتني وسط المصحه وانا ارجيك هذا جزا المعروف وهـذا جزايـا
يا ليتنـي خدامـة بيـن اياديـك من شان اشوفك كل يوم برضايـا
مشكور يا ولدي وتشكر مساعيـك وادعـي لـك الله دايـم بالهدايـا
حمدان يا حمدان امـك توصيـك اخاف من تلحق تشوف الوصايـا
اوصيت دكتور المصحه بيعطيـك رسالتـي واحروفهـا مـن بكايـا
وان مت لا تبخل علـي بدعاويـك واطلب لي الغفران وهـذا رجايـا
وامطر تراب القبر بدموع عينيـك ما عـاد ينفعـك النـدم والنعايـا
منقول للفائدة
rwd]m hl pl]hk ghfkih