يرضيك ماسواه فيني زماني=يرضيك همي والعذاب وتجّنيك
جرحتني حطمت باقي كياني=انزف ألم وجروح وقلبي يناديك
جيتك عساك تحس فيني ثواني=وتشوف ماسواه فيني تغّليك
خاب الامل ضاعت جميع الاماني=ببكي زمان الحب وابكي وأعزيك
عايش مع الاوهام اكتب معاني=اشكي مع الايام قصة تجافيك
ليل الفرح في غيبتك مالفاني=الله مااقساك ومااقسى لياليك
ليه الجفاء في دنيتك يأأناني=حطمت قلب انسان مغرم يناديك
الله حسيبك كيف قلبك نساني=تنسى زمانً فيه انا كنت مغليك