غن يامغني على صـوت الربابـه
..........كل ماوافقت الـك طـاروق غنـه
لايهـمـك لارقـيـب ولارقـابـه
...........العقوبه :نـار و التكريـم : جنـه
خل فوقك من صدى صوتك سحابه
.............ولارتخن حبـال صوتـك جرهنـه
رتب اوراقك على كسـر الرتابـه
...............الرتابـه للبشـر مثـل الأعـنـه
الاجـازه مـاش وايامـك تشابـه
............كل يـوم يـروح منهـن يلحقنـه
صاحبك مامـر لليـل الا سرابـه
.............فـي خيالـه والقصـور يرجعنـه
للظـروف وللهمـوم وللكئـابـه
..........يمسي ابهـن والصبـاح يصبحنـه
استحب الصمت والبـوح استعابـه
..........لين شعره رد علم الحـزن عنـه
مايفـارق بالـه العمـر وسرابـه
........والسنين اللي على الهـم احذفنـه
وده يسولف على النسنـاس مابـه
........والظروف اللي حواهـن واحتونـه
عند بيتً لونه ابيض مـن شبابـه
.............والـه عمدانـاً لحلمـهيرفعـنـه
راحة الاجناب في صـدره ، وبابـه
..............النسايـم لـو يسكـر / يفتحـنـه
مات راعية وتعـذب مـن غيابـه
........ورددن اطنابة / اقلـط / واشهدنـه
ماش قاعاً فـالجزيـرة مانبنابـه
...........والحـدود مـن العزيمـة حدهنـه
مر عشر اعـوام والقبـر وترابـه
........يحتوي له راس قوم وتبـع سنـه
لو اقول الذيـب شرفـت الذيابـه
..........الكـرم والديـن دربـاً مامشنـه
يفقـد الراحـه ولايفقـد صوابـه
............دينـه وعقلـه وذكــره ثبتـنـه
من فقد جده بعمـراً قـد وعابـه
.......مات مامات الشعـور اللـي يكنـه
يوم اجي في البيت بعد اقفن ركابـه
.......كن في صوتي ليا سولفـت منّـه
ليت عمري يوم واحد مـن شبابـه
.........واحـداً حتـى المغاتيـر افقـدنـه
كنه اخر شخص من عصر الصحابه
......ولو ماني خايف الله شلت ( كنـه )
الشاعــــــر/ عفــآس بن حربــآش ..
hgfdj >>>!