مرثية تركي الغنامي الثانية (ألفية)
بسم الله الرحمن الرحيم ..
..
السلام عليكم ورحمة الله وبركاته ..
...
اخوآني حبيت انزل فـي هذا الصرح الرآقـي قصيدتي الثانية ..
مرثية في المغفور له بإذن الله (تركي دخيل الله الغنامي)
...
..
فاضت عيوني وكنه القلب منتل
وعشر وثمان وعشر هليتهن هل
ألف(ن) أكن الهم وانا أتخيــــــل
أنا أشهد انه هو بلى أبوك ياعقاب
والباء بسم الله رب الــمخاليــق
الواحد اللي يفرج العبد مـن ضيق
همي بصدري ياعرب كنه طويق
يـالله عـلى بابـك يافـتًـاح الابـواب
والتاء تركـي من يعوًض مكـانه
الـصاحب اللـي لـه قـدر ومكـآنـه
ساعة رحيله يوم فارق زمانــــه
في لحضة(ن) ماكان يحسب لها حساب
والثاء ثمين القدر ماهوب راجع
لـكــن ليـتـه قـبـل يـرحـل مـوادع
أنا أشهد انه جانـي العـم فـاجـع
وراحت بي الأفكار وديان وشعاب
والجيم جاني من يقول الخبر قيل
تركـي توفـى بحـادثٍ تـالـي الليـل
بخط المـطار وحادثه شانعن حيل
في وقتها كـن العقل ياعمـر غـاب
والحـاء حبيت الخـلا والمراقيب
وأسلى مع الهوجاس وأسج وأغيب
من ضيقة(ن) في داخلي جالها لهيب
عز الله اني من عنى الوقت منصاب
والخـاء خـويـك يـاتـركي تـكـدر
وأحـلامـه اللـي فيـك قــامـت تــكرر
ويهـوجس بحاجـات ماهـي تفسر
تـوه شبـاب وراسـه اليـوم قــد شـاب
والداء دمعي بـيَـن الخـد مجرآه
صعب(ن) خوي الدرب ياشين فرقاه
صعب(ن) يبومتعب وانا مقدر أنساه
صعب(ن) ترآ فرقى الموآليف الاصحاب
والذاء ذوًب قلبي الحزن ياخي
وان قلت له وش وراح جاوب ولاشئ
بعده أنا ميَت وأنا عايش(ن) حي
قد قالوا ان ما أمر من فرقـى الأصحاب
والراء رحنا قاصدين الصلاتي
وجابوه بأكفانه خذته الوفاتي
ثم هلت دموعي وانا في صلاتي
في وقتها ياكنه القلب قد ذاب
والزاء زادت روحتي للمقابر
ماني على فرقاه ياخوك صابر
وأنشده يرجع كني مانيب خابر
من ينشد الاموات لايمكن يجاب
والسين ساقت رجلي دروب (ن) طوال
على الذي به ذكر الاحباب لازال
جيت المكان وغالي الدمع به سال
والموت درب ولاعن الموت مجناب
والشين شوفت زولك ان رحت وان جيت
هي في خيالي كل ماأصبحت وأمسيت
اي والله اني من فراقك تعانيت
ودموع عيني غرقت جفن الاهداب
والصا صبرت وزاد صبري شقايه
وكنه على حزني يشيل الوصايه
يالله تحل الضيق وتجبر عزايه
وتجبرعزى منهو بفرقاه منصاب
والضاد ضحكي يكتم أسرار وأحزان
وآكن همي كني آكن دخآن
ويآكن خدي يشكي الدمع بلشان
وقتي هذا مريت بضروفن صعاب
والطاء طريح(ن) فالقبر بعد ماكان
له قيمة ومقدار وله هيبه وشان
هذي هي الدنيا ترى مالها آمان
ياحض منهو قد تطوع وقد تآب
والظاء ظلام القبر ربي تنيره
وتغفر له ذنوبه صغار وكبيره
وتجل له الجنة جزآه ومصيره
وتفتح له لقبره على جنته باب
والعين عن تركي ياوجدي ووجودي
ماقد تزهب للقبر واللحودي
لكن أبدعي له وأنا في سجودي
وأباتصدق عنه وأبذل بالاسباب
والغين غالي يالله تجيب دعوآي
من كثر حزني قلت مايحزن سوآي
لكن على الله حزني وكل رجوآي
الواحد اللي من ترجآه ماخاب
والفاء فقدته أشهد اني فقدته
من يومها حزني على القلب شلته
في كل لحضة لاطرآلي وذكرته
أقنب مثل ذيب(ن) على راس مرقاب
والقا قمت أكتب من الدمع وأرثيه
وآتل قلبي دآمي أذكره لأبكيه
وراح تركي خير الأصحاب ياهيه
من صدمة الموقف وأنا أقول كذَاب
والكاف كلن قال وينك ووينه
حكم القدر وأرضى بزينه وشينه
وراح تركي والعرب فاقدينه
فارق هله وأحباب عينه والأقراب
واللام لميت القصايد والاوراق
وأبيات شعري كنها لذكره سباق
وراح تركي بروحته والصدر ضاق
والموت وآحد لو سعى له بالاسباب
والميم مانيب قايل(ن) ويش فيني
ماكن قدامي قبر يحتريني
ورآح تركي ومر فرقاه فيني
كمل شهر والجرح ياهيه ماطاب
والنون ناح القلب والسد مبيوح
ليا ذكرت اللي مضى ضحك ومزوح
وراح تركي ودمعتي عيّت تروح
ياجلسة(ن) عقبه غدينها بها أغراب
والهاء هذا اللي طرى في وصوفه
والوقت مانضمن عوارض صدوفه
وراح تركي وله شهر وآنا أشوفه
في كل ليله في منامي ولاغاب
والواو وينك عطني علومك اليوم
وش صار لك فالقبر عطني من علوم
وآضيقي اللي داخل الصدر مكتوم
وآجرحي اللي طاويه بعد الاحباب
والياء يوم إني نويت أختم القاف
بعد ماعيني هلت الدمع بإسراف
صلوا على سيد البشر نسل الاشراف
تمت وهذا ماجمع فكري وجآآب ...
وسلآمتكم
lvedm jv;d hgykhld hgehkdm (Hgtdm)
__________________
منتديات
قبيلة الغنانيم
التعديل الأخير تم بواسطة : ابـن مـآشـع بتاريخ 06-27-2010 الساعة 09:21 PM