قصيدة الشاعر الشيخ / مطلق الجبعاء الدويش
البارحه يوم امتلا خافقـي ضيـم
وعيني جفاها بالكرى لـذة النـوم
ضاقت بي الافكار والسين والجيـم
والجرح من بين المعاليـق مكتـوم
سبة فراق اللي مشت دون تسليـم
مغرومةٍ كانت وانا كنـت مغـروم
قفت وورد خدودهـا بلّـة الديـم
واقفيت عنها كلي احزان وهمـوم
ومن الحزن جو الهوى جاه تعتيـم
وطير الهوى وقّع بعد سيرة الحوم
صرنا بدنيا الحب مثـل المظاليـم
كن القدر سجّان والحاكـم سلـوم
وسجلت قصتنـا بكشـف التعاليـم
طقّة زمن منها تجـارب وتعلـوم
وقلّبت في راسي كبـار المفاهيـم
ولقيت لي تسعه وتسعيـن مفهـوم
واخترت لي علمٍ علـيّ الملازيـم
انّه تجـاره لـو يغالـون بالسـوم
عرف الرجال (الغانمين الشغاميـم)
اللي لهم بين (الطحاطيح) مقسـوم
واخذت وصف ديارهم والمراسيـم
ومشيت ساري والخوي ليل ونجوم
ولفيت دار (مكرّميـن المعازيـم)
(عتبان) نارٍ شاهره فوق مرجـوم
عاشو (فخر) ماهي بعيشة مهازيـم
(أرجال) ماهم بس في بشت وختوم
ودخلت ديرتهم بحشمـه وتعظيـم
والدار تأخذ من (مشاكيلها) وسـوم
(عفيف) يامال المـزون المرازيـم
تزهر مرابيعك من رجوم وحـزوم
جيتك بترحاب وحفـاوه وتحشيـم
جيتك معزب كن مانـي بمعـزوم
وبخص ربعٍ حطمـو كـل تقييـم
بالطيب من ماضي الى يومك اليوم
(الاد غنّـام الحـرار الصواريـم)
للضيف ريف وخد الاضداد ملطوم
الطيب بين الناس حـظ ومقاسيـم
وكلٍ خذا بيـن الرياجيـل مقسـوم
والناس بأرض الطيب رحّال ومقيم
وبعض الرجال يفصّل الطيب بهدوم
الله يرحـم جـدكـم (يالغنانـيـم)
عز الله انّه عقّب رجـال وقـروم
@حر نجد@
rwd]m hgahuv hgado L l'gr hg[fuhx hg],da
__________________
التعديل الأخير تم بواسطة : حر نجد بتاريخ 04-16-2008 الساعة 12:34 AM