منتديات شبكة قبيلة الغنانيم الرسمية - عرض مشاركة واحدة

05-14-2010, 01:37 AM

#19

هواوي داج

كاتب مبدع

تاريخ التسجيل: Nov 2009

الدولة: على احد الطرق السريعه

العمر: 42

المشاركات: 920

معدل تقييم المستوى: 16

رد: جلس الإستاذ يهزئني

واحد اسمه فرغلي

والثاني اسمه عويس

نبداا من هون

توجهنا لمركز الموهوبين
طبعاً انا كنت داق لطمه واحاول انام

بس ماقدرت لان فرغلي جالس يحفظ جدول الضرب

قلت يا فرغلي انت وراسك هذا اللي
تقول ركبة شحاد ازعجتني ابا انام

ويقاطعني الاستاذ ,

قال: وش فيك خل الولد يذاكر
عشان يجيب درجات زينه

قلت: يا اخي هذي مسابقة موهوبين
والموهبه تجي بالفطره مع الانسان
ماهو بحفظ جدول الضرب وازعاج خلق الله

قال: وانت الحين مصدق نفسك انك موهوب

اسكت وخلهم يذاكرون عشان يرفعون اسم المدرسه عالياَ

وصلنا لمركز الموهوبين
نزلت من السياره
ودخلت يدي في فتحة الباب وقلبت دقمت المفتاح
حقت باب المعاون
وانحشت .

طبعاَ هالحركه من سابع وعاشرالمستحيلات يتقفل باب السياره
لابد من شخص يكون عارف للطريقه عشان يقفل الباب

دخلنا لمركز الملك عبدالعزيز
وحصلنا اسم مدرستنا

مدرسة مصعب الابتدائيه

وقفنا في المكان المخصص لمدرستنا
وكان شكلي انا وفرغلي وعويس قمة المسخره

انا مشخص >>> شخصية عرابجه

ولابس زبيريات والثوب وسيع
وفي مخبا الثوب الامامي 4 اقلام

طبعاً ومطبوعاً الاقلام عشان المضاربات

وعويس وفرغلي جالسين يحفظون جدول الضرب

دخلنا لقاعة المسابقه وجلست في الزاويه
وبدا عرض افلام وثائقيه
بعد الافلام نجاوب على الاسئله من خلال
المعلومات التي عرضت في الفيلم

بعدها دخلنا في مسائل الرياضيات
بعدها دخلنا في مسائل اللغه العربيه
وعطونا وقت راحه ربع ساعه
جلست اتلفت يمين يسار
كل الطلاب مؤدبين وساكتين

الا اشوف راس فرغلي المصري في الصف الاول

واجلس اطبل على الطاوله واغني باعلى صوتي,

قلت:
غبي فرغلي غبي
شكله بالقهوه صبي
عقله يرن بشكشكه
اغبى ولد بالمملكه

والمشرف حق المسابقه يطالعني بنظرات استحقار

انتهت الربع ساعه ودخلنا في اختبار الذكاء.
فلته منذو زمان خخخخخخخخخ جايك يافرغلي

__________________

منتديات قبيلة الغنانيم