لـ محبي الشعر (يا خســـارة حـــلاتك)... للشاعر محمد بن فطيس ؟!!
السلام عليكم
هذي قصيدة بعنوان (( ياخسارة حلاتك )) للشاعر محمد بن فطيس
اتمنى انها تنال اعجابكم
اليكم القصيدة ::
الله يجازي مــن يسـوي سواتــك
وبذنوب من سوى سواتك يجازيك
مشيت درب الثقل وتحب ذاتـك
مــاتدري انــه للمهـالـك يـوديــك
وغــرك جمالك يـاخسارة حلاتــك
مــاتدري ان مــاغير طبعك يحليك
بتـقـول زيــنـك يشفع لـسيئاتــك
الحسن ماهو عن وفا الحب يعفيك
لــو التواضع والــوفا مـن سماتك
بعت الحبايب كلهم دين واشريك
لكــن عجزت اغيــرك يــاجــراءتــك
على الغياب اللي بلا عذر ينجيك
خطاي في توضيح وش هي غلاتك
وخطاك في توضيح وش هو تغليك
وشلون توصيني وتنسى وصاتك
وتصد عــن صــوتٍ تقطع يناديــك
مـافـاتك الـتجـريـح والـعـذر فـاتــك
وتبغي الرأي اللحين ماعاد يمديك
صحيح احبك بس هذي جزاتـك
بـعلـمـك درسٍ يـفيـدك ويـحيـك
تدري وش ابيض من خفوقك؟ عباتك
وتدري وش اللي غرني نظرتي فيك
ادري بـتستـغـرب تـصبـر وجـاتــك
قــصيدةٍ مــن واحــدٍ كــان يبغيــك
وتـبغي تنــاظر وانــت عايـش مماتــك
شف وحدتك والـــناس تجلس حواليك
وتبغي تشوف اشجع رجل في حياتك
شفني وانــا راحل على كثر مــاغليك
وسلامتكم
منقووووله 
dhoshvm pghj;>>ggahuvlpl]fk t'ds>>