بين اهلي وربعي عصابة راسي
اولا احب ان ابدأكلامي بهذة الابيات الجزله :-
حنا عتيبه الهيـلا برقـا مـع روق
واللـي يرحـب بالسلاطيـن يبـقـا
ماذلنا مـن خلقـة الأرض مخلـوق
أهل المكـارم ربعـي روقٍ و برقـا
ننده بسامينا وتابـس بهـا احلـوق
وكل الأيادي بقضـب أيادينـا عرقـا
كم شاربٍ من فعلنـا صـار محلـوق
جعل الوجيه اللي بها اشنـاب تسقـا
الغيمه اللي وسطهـا ربعـي بـروق
الي تحتهـا بوبـل الأمجـاد غرقـا
نجد العذيه فوقهـا شمسنـا شـروق
وصارت سماهـا بالسلاطيـن زرقـا
ربعي عتيبه وبارد الوجـه مصفـوق
والسبت من حطه تـرا الأحـد يلقـا
وين أنت يابو صوت مبحوح ومخنوق
ياللي علـى كثـر السوالـف تسلقـا
يوم البضاعه غاليه داخـل السـوق
حنا شرينـا اللـي اخذتـوه سرقـا
رمح القهر في صدر الأيـام مدقـوق
في غرب راسه وآخر الرمح شرقـا
أيه أفتخـر وكـل مطـرود ملحـوق
بالفعل ماهـو بـزود حكـيً وقرقـا
حنا بشر بس الولـي حطنـا فـوق
الله خلقنـا فـوق وشـعـاد نـرقـا
الله خلقنـا فتنـه لـكـل غـرنـوق
ومـن العـذارى ميتـه كـم طرقـا
منطوقنـا جـزل ومـع جزلنـا ذوق
يطرب لنا فوق الغصن طيـر ورقـا
قبيلتي مالي مـع النـاس معشـوق
وأنتـي غرامـي دون لقيـا وفرقـا
بين الضلوع العوج موطنـك معلـوق
ياأطهر من الطاهـر وأصفـا وأنقـا
لو غنوا الشعـار مليـون طـاروق
محدً يجيب اللي أجيبـه علـى القـا
الشعر جسم وحنا في قلبـه عـروق
كل حرف روقي وكل طـاروق برقـا
ثانيا:- من دواعي سروري ان انظم الى هذا العقد الفريد ولي الفخر ان اكون مع اخواني واولاد عمومتي وعصابة راسي
واسمحوا لي بهذا الهجوم الكاسح على الاقسام وتسطير ماتجود به النفس دون الانتظار لهذا الترحيب فانا اعرف انني في بيتي الثاني وانما اردت ان ادلو بدلوي ثم نمر على
على هذا القسم الترحيبي
ارجو ان تقبلوني بينكم اخت تنشد اخوتكم ورب اخا لم تلده لك امك
مع كل التقدير والاحترام
fdk higd ,vfud uwhfm
__________________
[shr71=http://up3.m5zn.com/photo/2009/5/18/03/s0lky7su2.gif/gif]مثلا : هذه الصورة لفلان او هذه صورة سيارة موديل كذا وكذا الخ[/shr71]
[shr71=http://up3.m5zn.com/photo/2009/5/18/03/1xfsgwjgj.gif/gif]مثلا : هذه الصورة لفلان او هذه صورة سيارة موديل كذا وكذا الخ[/shr71]