اقتباس:
المشاركة الأصلية كتبت بواسطة ساير الغنامي 
لا والله الا طولت يابو بتال ... وهي يابو بتال كانت قصيره
راحت عى تسعه وتسعين موال ... عيا عميلي لايفك الاسيره
وانا على درب المحبين لازال ... ارثع ورا المقفين واقول خيره
جمعه مباركه يابو بتال علينا وعليكم وعلى جميع المسلمين انشاء الله والسؤال المطروح يابو بتال لاهنت عن قصيدة قديمه واللي من ضمن بيوتها
لو ان ونت من سرا الليل حشاش .... بعد الحيا ياطا على كل منقود
وتقبل تحياتي واحترامي
مساك الله بالخير ياساير / انته تسألني عن قصيد الله يسلمك والغنانيم كلهم شعار ويعرفون القصيد
وانته الله يهديك حطيتني مثل منديل الفهيدولا الشرهان وانا ماعندي اكثر من الي عندكم
ياذوي ساير الله يسلمكم وهذه مداعبه ارجو ان تقبلها
يافكرتي ياشيخ وش غير الحال *** وش غير احوالك ياشيخ العشيره
العام تقرأ في المساجد بالأنفال *** ويقرأ الحديث وكلنا نستشيره
واليوم جايلك صواديف وهوال *** اصبر وفي صبرك تقدا البصيره
وطلب لمنهو لشرابك حلال *** حلال صعبات الأمور الخطيره
وطلب من الولي وبا اطلبلك الوال *** اطلبلك التوفيق في كل سيره
واللي يبا يصرف جنيهات بريال *** يصمل ويفطن لا يغشه شويره
وبا ابذل المجهود واسعفك بالمال *** ودور المطلوب في كل ديره
وليا لقينا اللي حلياه بالبال *** جبناه لونه من اقصا الجزيره
ومن لا يفيد اعزاه باقوال وافعال *** هذا على ماقيل مافيه غيره
مع تحيات / ابو بتـــــال