اقتباس:
المشاركة الأصلية كتبت بواسطة ساير الغنامي
لا والله الا طولت يابو بتال ... وهي يابو بتال كانت قصيره

راحت عى تسعه وتسعين موال ... عيا عميلي لايفك الاسيره

وانا على درب المحبين لازال ... ارثع ورا المقفين واقول خيره






جمعه مباركه يابو بتال علينا وعليكم وعلى جميع المسلمين انشاء الله والسؤال المطروح يابو بتال لاهنت عن قصيدة قديمه واللي من ضمن بيوتها


لو ان ونت من سرا الليل حشاش .... بعد الحيا ياطا على كل منقود


وتقبل تحياتي واحترامي







مساء الخير / والقصيدة التي تسأل عنها للشخ والفارس مشعان بن هذال شيخ شمل قبيلة عنزه

في زمانه وهي في بنت الشيخ الدويش شيخ قبيلة مطير ...... ويقول

المسعد الي ماسرى الليل حشاش *** عقب الحيا ياطا على كل منقود

يابن مهاوش كب حمسات الادحاش *** ترا ان حمسات البلايل تجي سود

قم سو فنجالٍ ترى الراس منداش *** ياشوق من قرنه على المتن مرجود

ولقم بدله مولع كنها الشاش *** وبهارها مقدار خمسة عشر عود

والهيل حطه لا تدانا ولا جاش *** ومن الزباد اقنه على شذرة العود

أبيه رسم للنشاما عن اللاش *** واللاش لا فايد ولاهوب مفيود

الطيب سندا والردي ذاك ملاش *** واللي يريد الطيب ماهوب مردود

يالذة الدنيا معاميل وفراش *** وصينية يركض بها العبد مسعود

وياما حلا ون روحن حس الأدباش *** صفر ومغاتير ويبرالهن سود

مرباعها الصمان تبعد عن الطاش *** ومقياضها دخنه ليا صرم العود

وصفرن يلوحنه على كل مهباش *** ياما حلا بيدينهن قاسي العود

في رفة يشبع بها كل هتاش *** ويفح بها اللي من دناياه مضهود

ومن لا يروي شذرة السيف لاعاش *** عسى عليه مورد الجيب مقدود