اقتباس:
المشاركة الأصلية كتبت بواسطة أبو بتـــــال
التقيت مع الشاعر معدي خالد الغنامي ,وطلبت منه بعض القصائد فعرض علي ديوانه الذي لم يكتمل بعد, فوجدت فيه هذه القصيدة وأحببت أن أنشرها هنا بين أبناء القبيلة حتى نستمتع بها وننمي الذائقة لدى المبتدئين في الشعر, ودونكم القصيدة .
يامل قلبٍ ياجزا(1) ويش كنه = مثل القضيب الي يبا الانطلاقي
حطولها الاسباب لين اعثرنه = من هضبتٍ صلتا صعيبة مراقي
وليا انتهض جرد السيور اردعنه = مروبعاتٍ من ورا كل ساقٍي
من صاحبٍ مايدله القلب عنه = بيضا عواتق والمعنق ادقاقي
وليا هرج دمعا العيون اسبقنه = ويسكت وباقي من كلامه بواقي
شكله جميل ومطربه صغرسنه = العود شامي والحواجب عراقي
ونهود يامشكاي من وصف هنه = بيضٍ كبر ليمون زرع السواقي
يوقفن الثوب من بين هنه = ومنها القميص يفتّقنه فتاقي
يحين قلبي ياجزا واقتلنه = واتعب رجلي مع رفاع ومتاقي
وأقفى وانا قفى بي الشوق عنه = ياشين فرقى مابعدها تلاقي
الا ان دورات السنين أقربنه = وعقب البطا جددت معه اتفاقي
وحالي يابو صالح همومه طونه = طويا القماش اللي مصيبه احراقي
والبيض قد ناشك من اسباب هنه = مع دربهن جربت مر المذاقي
واخذت منهنه وطلقت هنه = واقرب حرام من الحلال الطلاقي
وان كان تنصحني تجنبت هنه = واودعت اهل بيت الشعر والنياق
والا بذلت الجهد في قرب هنه = وغيرت في بعض المبادي نطاقي
(1)جزاء بن صالح الحربي,شاعر كويتي وضيف دائم في ديوانية الكويت,ومن الشعراء الذين يحترمهم الشاعر معدي الغنامي.
منقول من متصفح ابو ياسر للتوضيح
صح لسان معدي وتسلم يابو ياسر على النقل حفظك الله بحفظه
وانا نسختها لتوضيح للقاري
الله يسلمك يابو بتال ولاهنت على التوضيح والله يحفظك