ان كان تنشد
قصيده موجهه من الشاعر محمد بن هلال القسامي
الى الشاعر بندر بن سرور القسامي
واصلك يا بندر كتابٍ معنيّه
خطٍ يا بندر نايبٍ بالعلومي
كتبه عليّه والسفاتي توديه
مني اليكم في يدين السلومي
اكتب على بالي وابن درع يمليه
ورد الجواب النا عليكم لزومي
اسلم وسلّم عد مليون ثانيه
عداد ما يمطر خيال الغيومي
وان كان تنسد عن سفرنا وطاريه
رحنا وخلينا الخمام امخدومي
مع كتبنٍ يكتب مسافة مماشيه
على الذي يم الخضيراء تحومي
عشرين رجالٍ وكلٍ نسميه
ربعٍ قراباتٍ حشامٍ قرومي
خمسة حفاتٍ كل قاصر تنجيه
وثبتاننا الي يوردون السهومي
وانا وابن غنام ماني بناسيه
والاد عاضي محتمين اللزومي
وجينا على حدٍّ نطّرد جوازيه
ونصبح لهنّه في متاقي الرجومي
يازين وان عاود على البعد نرميه
قبل الصغيّر من منامه يقومي
ليا حفظت عيارتها بالنعش فيه
وان صبت ولا مانخلق امعدومي
يوم الردي عندك حسينٍ تمدريه
قلبه يربع مع نظيف الهدومي
عوده جمال وعايزٍ يوم احلّيه
والحال ينعم م طوته الهمومي
ما قط ناداه الشويعر يوصيه
ولا علّمه بالليل كيف الهجومي
لو كان ما يكتب على العبد ياتيه
ولا الاجل واحد والنهار امعلومي
hk ;hk jka]
__________________
التعديل الأخير تم بواسطة : رائد العطاوي بتاريخ 04-26-2013 الساعة 01:51 PM