بيض الله وجهك والله يطول في عمر راعي القصيده على طاعة الله ..
يوجد احداث تاريخية لفرسان وشيوخ الغنانيم في هذه الأبيات .. لأنه ذكر في الأبيات توثيق
لأحداث وقصص حصلت لهؤلاء الفرسان . ياليت تعطوننا نبذه عن قصصهم واسمائهم ..
يشهـدلـنـا الـمـاضـي عـلــى فعلـهـنـه***ويثـبـت كـلامـي كـــل فـعـلـن فعـلـنـاه
ولـد الدويـش حسـيـن مــن ضربهـنـه***خـلــي لعـكـفـان الـمـخـالـب تــهــاواه
وابـن غصيبـه فــي المخـيـط احذفـنـه***وابـن معضـي عــن جــواده طرحـنـاه
والـيـابـسـي بــعـــد رمــانـــا رمــنـــه***ذبـــــح ركـايـبـنــا وحـــنـــا ذبــحــنــاه
والشـيـخ ابــن جبـريـن مثـلـه وكـنــه***حــول بــه الـلـي راس رمـحـه تـعـداه
وردو عـــــلاه الـخــيــل وستـلـحـقـنـه***وكـروش ابـوا هاجـد ذبحـهـا بشلـفـاه
وحـلـيـس طـــاح وبالـحـوافـر وطـنــه***يـــوم لحـقـنـه يـشـهــرون الـمـثــاراه
وتــــــوارده رمـحـيـنـهــم وعــثــرنــه***وجابوا جـواد حليـس صفـراء محـلاه
ولا الـذويـبــي عــقــب مـركـاضـهـنـه***يشـهـد بمـاشـافـه عـيـونـه ومـوحــاه
جـانـا يـبـي حـمـى الـــذرع وطـردنــه***وميشع هرب رجلـي وغوجـة قلعنـاه
وعسـيـر ابــن نـافــا نـهــار الحـقـنـه***فـرسـان ربـعــن يلـحـقـون الـمـخـلاه
ذبــحــن وقــفــاه الــرجـــل شـيـخـنــه***وغنـا بقافـه كــل مــن حـولـه اوحــاه
وفــي قــاع حـاضـى فعلـهـن ورخـنـه***الـبــل حميـنـاهـا وتـنـضـب كـسـرنــاه
وركــابــهــم مـــاعـــودوا فـوقـهــنــه***اللـي سلـم منهـم هـرب فـوق رجــلاه
ويــووم الحـقـن مـوهـق بفريسـهـنـه***وش قـال ماثـل يـوم ابـن غتـر نــاداه
قــال الحـقـوا لـحـدن يـجـي فـيـه لـنـه***وكـلــن وسـيـقـه ياحـمـيـدان يـنـخــاه
نـقـلــع جــيــاد الـخــيــل ويجـيـبـهـنـه***مـلـوح والـلـي عــن شعـيـه طرحـنـاه
نلـحـق ونلـحّـق مـــن قـعــد فوقـهـنـه***ورديــفــنــا نـسـتـلـحـقـة مـاتـركــنــاه
مـثــل الـثــلاث الـلــي بـــرز فعلـهـنـه***ردن علـى مــن حـيـل دونــه وجبـنـاه
ردن عــلــى مـمـنـوعـهـن ولـحـقـنــه***فـعـلـن يـشـرفـنـا مـجـالــه وطــريــاه
لــــو ان جــمــع سـبــيــع قـدامـهـنــه***مــوت الشـهـادة مانـخـافـه ونـخـشـاه
هـاجـد رجــع لحـمـود يـــوم حـجـرنـه***وصعيـقـر استلـحـق منـاحـي ونـجــاه
وابــــن جــواعــد ردهـــــا مـثـلـهـنـه***عـلـى رديـفــه يـــوم يـوحـيـه يـنـخـاه
وتــــراء الـدخـيــل وجـيـهـنـا يـمـنـنـه**اليـا لجـى فـي وجيهـنـا مـاحـدن جــاه
لــو السـلـوم عــن الـدخــل يحـرمـنـه***ادخلـنـا ابــن سحـمـه وعانـيـه شـنـاه