اهلا بالجميع
هذي قصة مغزى ابن رشيد على الروقة
قبيلة عتيبه كانوا متجمعين
وكانوا جميع القبائل يضادونهم مطير وحرب وقحطان وجميع القبائل
المجاوره كان بينهم معارك واكوان معهم ,, وفي سنه من السنين كانوا
الروقه نازلين في وادي هرمول شرقا من ضريه وغزاهم ابن رشيد حاكم
حائل وكان مع ابن رشيد ناس لا تعد ولاتحصى ورجاله اكثر منهم
الموجودين وكان النصر في بداية المعركه لابن رشيد ,, وكانوا شايلين
بيوتهم وضعونهم وجميع حلالهم قدام وجيههم وابن رشيد ورجاله وراهم
من اجل ان يهوشون هوش ساقه دون البل ودون المضاهير وواصل
ابن رشيد مسيره ورى الروقه لين عداهم جبل حليت وعندما تعدوا جبل
حليت تنادوا الروقه وكثرت النخاوي والعزاوي لبعضهم وقالوا بلسان
واحد .. رده رده يالاد روق.. فعودوا على ابن رشيد ورجاله واعانهم
الله عليه وهزموا ابن رشيد وقومهم حتى تعدا جبال اشعبا شمال
ضريه ,, و سلموا لم يقتل من رجالهم احد ولم يؤخذ من حلالهم
شئ ,,
وقد قال الامير شليويح العطاوي هذه القصيده بعد هزيمة ابن رشيد
وقومه على يد الروقه::
رداتنـا ياعجلهـا مــع قفـانـا = اربع ليال وخشـم حليـت نعطيـه
ومن شاف علوى يوم جو في نحانا = كن الدبـا مركيهـم يـوم احليـه
تنثـرن ادميـهـم فــي يـدانـا = والطير ابو جنحان منهـم نعشيـه
وياما كلـن سيوفنـا مـن عدانـا = وكم فارساً شقر الذوايـب تعزيـه
وتسعين من عيده ليا قصـر عانـا = غير الصويب اللي يصيع الدواء فيه
عيده التي وردت في القصيده هي قريه في جبال شعبا من الجهه
الجنوبيه وقصر عانا هو قصرفي ضريه
منقول من منتدى عتيبة الهيلا
النامي ولد الهيلا
ly.n hfk vad] ugn hgv,ri td ,h]d ivl,g