سلام عليكم ورحمة الله وبركاتة
هذي من قصايدي ومعناها بالمنتدى


بسم الرحيم وعالمن كل مكنون &&
ابدي قصيدي والنوايا سليمه

للي بحياته شاف وانتم تشوفون &&
أوضاع ماهي للخفايا قديمه

ازريت اقلبها علا وضع موزون &&
مير البلا معاد فيها حشيمه

والناس فيها اليوم صاحي ومجنون &&
وأخص في هرجي عقولن سقيمه

احيان في درب المخاليق يسعون &&
معهم و معكم لاعليهم ظليمه

وأحيان عن درب المخاليق ينهون &&
و بشرعهم بعض النصايح جريمه

وناس علا هرج الملاقيف يبلون &&
ماعندهم ياكود حش ونميمه

غنام يملح بالسوالف ل سعدون &&
وسعدون ياختمها بهرجة حليمه

وناسن علا زل الاقارب يحثون &&
والي سلك نهجه عسا الله يضيمه

وناسن علا طيب الفعايل يربون &&
بالدين والدنيا حياتك مديمه

وناسن علا كثر الردا بك يوصون &&
الين ماشافوا برداهم قسيمه

وناسن علا الموضه بلاشكال والون &&
ياناس وين أهل العقول الفهيمه

يعني اذا مالك لك اليوم أيفون &&
اصبحت لامعنا ولا فيك قيمه

يلعن ابوها كان ناسن يقيسون &&
علا المظاهر كان قاسو صميمه

وناسن تعنا للمعالي ويبطون &&
بالمال !!! والأفعال ماهي عظيمه !

وناسن علا صغر المصايب يونون &&
وش هي حياتك كان مابه عزيمه

وناسن علا درب المقفين يمشون &&
لاتطرد المقفي ولا له وليمه

مالله أمرنا نتبع الي يقفون &&
وبعض البشر فرقاه عندي غنيمه

هذا الكلام الي له البال ممنون &&
البال صافي والنوايا سليمه ..




وسلامتكم

---

i`h hg;ghl hgd gi hgfhg llk,k >>>