انا اسباب ماعكرمـزاجـــــي وغـــــثنــــــي
من اللي يدور في رفيقه فــــــضــايــــحـــــه
أصمٍ عن الزينه وللشين ســــامـــــعــــــــــه
وليا هرج في غايبٍ فـــــــــاح فايــــــحــــه
يصلى الجمع ويصلى الأوقات كـــــلـــهـــا
ويؤذي العباد ويطلب الله يـــــبايــــــحـــــه
اليا لقى زله عليك اللــــتـــــــــوابـــــــــــها
وينصحك واعماله تكذب نــــصايـــــحــــــه
يتابع عبادالله يدور عـيـــــــــــوبــــــهــــــم
ويظهر ردى الغايب وينسى ملايـــــــحــــه
لونه ماهوب محاسباً عـــن ذنوبـــــــــهـــم
مطيعٍ إبليس مسرحه من سرايـــــــحـــــــه
دايم بقرب القيل والــقـــــال مرتـــــعـــــــه
وجمع المخازي مربحٍ من ربايـــــــحـــــه
لوإن الردى في باطن الارض ياصـــلــــه
لونه مع الاموات فتش صفـــــــــــايحــــه
جليس الردى اللي مايسرك مجالســــــــه
جنب عن المجلس لياصار رايحــــــــــه
وتنص الرجال اللي تسرك علومـــــــهم
وخل الردي عساه مايقوم طايــــــــــحه
من جالس اصحاب الردى يالف الردى
جليسٍ جليسه يودعه من طرايــــــــحه
ومن جالس الاجواد ياخذ سلومــــــهم
يذري على من يلتجيله سنايــــــــــحه
يوفون حق الجاروالضيف والخــــوي
يوم الردي جمع المخازي فلايحــــــه
شعر مشلح بن براك الغنامي
hkh hsfhf lhu;vlJ.h[JJJJJd ,yJJJJJekJJJJJJd