ياالله يا جزل العطاء يالي على الامة رقيب
ياللي رزقت الحوت في غب البحور المظلمات
هذي نصائح والنصائح تعجب الحر اللبيب
والصبر مفتاح الفرج للناس واللي فات فات
ترى البعيد اليوم ياهل العقل اخير من القريب
كم واحد فرق قراباته وجاب المشكلات
اخوك راس المال واحفظ راس مالك لا يغيب
اخرج زكات المال لا تنقص ريال من الزكات
من صدق النمام والكذاب مقطوع النصيب
هذاك عله خافية ما يستفيد إلا الشمات
هرج النميمة ينتقل بين المودي والمجيب
والصبر مفتاح الفرج والباقيات الصالحات
hgahuv [hvhggi fk ,wg hgs,h'