عرض مشاركة واحدة
قديم 09-16-2012, 02:58 PM
  #1
@@@الرمش@@@
مصمم
 الصورة الرمزية @@@الرمش@@@
 
تاريخ التسجيل: Jan 2009
المشاركات: 354
معدل تقييم المستوى: 17
@@@الرمش@@@ is on a distinguished road
افتراضي يابنت وش جابك بوسط الرياجيل

يابنت وش جابك بوسط الرياجيــــــل
لاتستحيـــن ولا خشيتـــي فضيحــــه

ضحكك كثيـــر وتنصبين المحابيــــل
وان قيـــل كيف الحـــال قلتي منيحــه

متمركـــزه في وســط شـلـة مهابيـــل
وحــولك ردي الطبــع يــكثـر نبيحــه

ضيعتـــي الحشمه وغيــرتي الكيـــل
ومن الحيــاء مشاعـــرك مستريحـــه

نفســك على الزلات تحـــط وتشيـــل
ولاتفهميـــن ولاقبلتـــــي نصيحــــه

متوقعــــه مافيـــــه مثلك بهالجيـــــل
لكن خذيهـا من لســــاني صريحـــــه

والله ماتســــوين في عينــي الميــــل
وانك حســـاب الميتـــه والنطيحــــه

ولاهمنـــي لو قلتي القــــال والقيــــل
وكثــــر الحكي ماينفع الا صحيحــــه

شوفـــي حياتك قبل لا دموعك تسيــل
ولاينقعــك كثـــر النــــدم يامليحــــه

وترى حلاة ام الرمـــوش المضاليـــل
مستــورتن عـن كـــل كلمـــة قبيحـــه



@@@الرمش@@@

ملاحظه: القصيده مقصود فيها موقف خاص فقط


dhfkj ,a [hf; f,s' hgvdh[dg

@@@الرمش@@@ غير متواجد حالياً  
رد مع اقتباس
 
2 3 9 11 15 16 19 20 21 25 26 27 30 31 32 37 38 39 41 42 43 46 49 53 54 55 58 59 60 66 69 70