قصيدة الشاعر القدير / دعيج بن جبار الغنامي
أهداء لشيخ /عبدالله بن عمر بن ربيعان
بعد رجوعه الى أرض الوطن سالما معافا والقصيده لها مده
ساع أنجلا الليل العتيم وشع في الافاق نور
وساع أنجلا هم الصدور اللي تشيل همومها
وحل بمحل همومنا الصلفه فرح يملا الصدور
والحمـــدالله هــــاذي الفرحـــة وهـذا يومــها
في رجعتك يلي رجوعك رجع لسنين الدهور
يلي غيابك ماأهتــنت فيه العـــيون بنومــها
اليوم فغيابك يأبوماجد من حساب الشهور
والشهرفغيابك دهور ماتضيع أرسومها
والشكر للي مايبى ألا الشكر من عبد شكور
خالق جميع الخلق كافل رزقها رحومها
أعادك ألنا بخير واللي مربك جعله طهور
والعافية ربي يبو ماجد عليك أيدومهـــا
لنا بدونك وش نساوي رغم مافينا قصور
يافخرنا زال العرب تفخر بعليه قومها
ولنا بدونك مالنا طوقه على بعض الامور
فدتك شيخان بأساميها تعــيب أسلــومها
ولنك سلايل اللي لهم في حزة الشدات دور
ستر الهنوف اللي من الضيقه تطش أهدومها
يفرقون الجمع لاركبـو على أوساع النحور
سواقه العطفة شيوخ ماتهاب أخصومها
ذخر محصن موردين الهيب مقدم كل شور
لاجاء نهاراً فيه خلق الله تضيع أعلومها
يشبع وراى مركاضهم شهب الذيابه والطيور
في ساعة الضيق المنايا يسبقون أسهومها
روسن بنو لأسم القبيلة في سما الامجاد سور
من طول حيده ماتعداه الطيور بحومها
والاصل يعرف بأوله والفرع من طيب الجذور
شواهد تبقا على رقاب الجمال وسومها
وأنته حضورك في المواقف غير عن كل الحضور
علــى يدينك كم نفوســـاً تهتنـــي بحـــلومـــها
وهيبتك تفرح من يبادلك الغلا نفس الشعور
وتفرك بها اخشوم الطغاه اللي ترز اخشومها
والله خلقك أثقل من العارض على قلب الغيور
ويمكن تغار من أصل مبداك السماء وانجومها
وأمارتك ماهيب أمارت المشالح والقصور
أمـــارة تاخـــذ من أعلـــــو السنام اقسومها
والخاتمه ياجعل ماصابك يأبوماجد طهور
والعافيه ربي يابو ماجد عليـــك أيدومها
rwd]m hgahuv L]ud[ fk [fhv hgykhld td hgado uf]hggi