سالفة اليوم يمكن بعظكم سمع بها ويمكن البعض عنده من السالفه الزود
لكن قبل طرح السالفه حبيت أعرج على أهل الشمال دون غيرهم من ناحية الشهرة
فكثير من رجال الجزيرة العربية كان لهم صيت سوا في الشجاعة أو الكريم أو الشعر الخ ... من الصفاة الحميدة لكن جنوب وشرق وغرب الجزيرة ً قليل من يعرف عنهم شيء باستثناء أهل نجد وشمال الجزيرة اللي لهم حصة الأسد في التراث الشعبي فما السبب الذي جعل أهل نجد والشمال تبقى اسمائهم محفورة في ذاكرة التراث الشعبي ؟


السبب من وجهة نظري أن أهل نجد وأهل الشمال خصوصا هم أهل بادية وكان أغلب حياتهم تدور في فلك البحث عن الماء والمرعى والغزوات . وكانت جلساتهم لا تخرج عن هذا المنوال فكانت كل حادثه توثق بقصيدة التي كانت تنتشر لتروي حدث معين أو سالفه معينه . ولولاء قصائد الشعر لما وصل لنا أخبارهم .


جلسات السمر: كانت سبب رئيسي لتناقل الاخبار .
حفظ القصائد : كان هناك عدد كبير من ابناء البادية يحفظ القصائد.
الرواة : أكثر الرواة هم من ابناء نجد والشمال .




هذا دغيم الظلماوي من شمر من اهل قفار كان شاعر جيد وكان كريم والكريم وجه الله


ويوم من الايام وهو قاعد على جال الضو ومعه ولد عمه يقاله (كليب)


وقعد يقصد ويقول


ياكليب شب النار ياكليب شبــــــه عليك شبه والحطب لك يجابـــــي
وأنا علي ياكليب هيله وحبــــــــه وعليك تقليط الدلال العذابــــــــي
الوالمه ياكليب عجل بصبــــــــــه والرزق عنداللي ينشي السحابــي
وإدغث لها ياكليب من جزل خبــه وشبه ليا منه هبا كل هابـــــــــــي
أبي ليا شبيتهـــــــــا ثم قبـــــــــه تجلب ربع سرات(ن) غيابــــي
بنسرية(ن) ياكليب صلف مهبــه ليا هب نسناسه تقل سم دابـــــــي
متكتفين وناطحـــــين مهبــــــــــه متلطمــين وسوقهــــم بالعقابـــي
صبه لقرم صرفته ما حسب بـــــه يوم البخيل مكنهب الوجه هابــــي
وصبه لمنعور من جـــاه نبـــــــه يرخص بعمره والدخن له ضبابـــي
وعده عن اللي مايداري المسبــه اللي يدور بالقصير الغيابــــــــــــي
لياباطن الهلباج خطو الجلبـــــــه يازين تالي الليل خبط الركابــــــــي
افرح لهم وابدي سلام المحبـــــه ليا شح بالهين كبير العلابــــــــــي
سلام احلى من شخاليل جبـــــــه واحلى من السمن الجديد الرعابــي
وخطو الولد يوم الملاقا نكبــــــه يصير معنا من حساب الزهابـــــي
وش عاد لو يلبس زبون وجبــه معيرة على غضير الشبابــــــــــي
أنا لقيت الصبر يازين غبــــــــه يرقيك روس مشمرخات الهضابي
ومن لا صبر ياكليب في حكم ربه هذاك يوم البعث ماله ثوابــــــــي



<><><><><><><><><>


الوالمه هي (الدله) وطبعا من كلامه نفهم ان دغيم الظلماوي


يولم دله ويخليها احتياط اذا جاه ضيف والا سبحان الله


وطبعا ياجماعه القهوه ماكانت سهله يعني من الي عنده قهوه ذيك الايام ؟



واشتهر دغيم الظلماوي بعدة اسامي منهن


راع الوالمه


متعب الدلال
وفي أحد الليالي قرر ابن رشيد زيارة مفاجأة لظلماوي بدافع الغيرة منه بسبب الصيت لأن الكريم يغار من الكريم
فقال لربعه الليله نبي ناصل مشوار


ويوم جو بالليل اخر الليل وهم ينخون ركابهم عند الظلماوي


ويتلطمون ويقلطهم


ويوم قلطهم وهو ياخذ الملقاط ويحرك الجمر ويطلع الوالمه


فزاد فضول بن رشيد وسأل دغييم


انت يالظلماوي يوم انك تقوصد وتقول ياكليب ياكليب وش عندك به؟
(يعني وش شايف نفسك)



فقام الظلماوي ومد يمناه لابن رشيد وقال الابيات ذي المرتجله



مده رهن لولاك ماقلت ياكليـــــــب <>ولا قلت شب النار وصرموقد(ن)لـه


يابو الارامل والعذارى ومن عيـب<> وابو من صار العصا ثالث لــــــــــــه


ويابو المحرول والعمى والمحاديب <> ومنضامته بقعا تصير ولد(ن)لــــه


يالجوهر الناريس يالمسك يالطيـب <>ياعنبر من جربه مايمــــــــــــــــــلــه


تقفي محاليب وتملى محاليـــــــــب <> وكبد تيبسها وكبد تبلــــــــــــــــــــــه


ياطير شروى مالقي بك عذاريــــب <> لوتستحي ما تجمع الطيب كلــــــــــه


وان كان هرجي به عليك معذاريب<> سامح عسى الي عقبك بالف حلــــه



ياطير شلوى مالقي بك عذاريب <> لو تستحي ماتجمع الطيب كله



الله اكبر



المهم اعجب بن رشيد بهذه القصيدة


بقى دغيم الظلماوي من الأسماء المشهورة في شمال الجزيرة العربية .


والله أعلم بالصواب أن شاء الله ما ثقلت عليكم

المصدر: منتديات شبكة قبيلة الغنانيم الرسمية