هذه الابيات للشاعر رجا بن جواعد بن الحميدي الغنامي
موجهه للشاعر سعد بن براك الغنامي
ألا يا نديبي دوك ماقـــلــت بالـــتـــلـــخـــيــص
ووصل ســلامــي لــبــن بــراك و اخـــتصــه
رفيقٍ عزيزٍ لـه مكانــه ماهـــوب رخـــيـــص
ليا مــن شكيت اشـكــيـلــه الحــال و انـــصــه
وقـــلـه تــرانـي عـايشٍ عـيشةٍ تـــنــغــيــص
لي أربـع سنـينٍ كــن وسـط النـحــر غــصه
عجزت انبسط في ديرة الخبص والتخبيـص
وعجزت اندمج مع عالمٍ فيـه مــخــتـــبصه
هياكل رجالٍ همها اللبــس والتــشــخيـــص
سوالف مجالسهم عــن اللبــس والــقــصــه
وانا الهم في قلبي يقص الحشا تـقــصــيص
تقــول إن جمر النــار مــركيــه فــي نــصه
وجودي على منحى القدم عن فــيــاد غــليـص
بهاك العبال اللي من العـــشــب مرتـــصــه
هــواها نــقي يــرحل له المهتوي خصـيـص
وثراها جديــد وراعي الــــضيــن مــا رصه
وقد رد سعد بن براك عليه بهذه الابيات
هلا بالنديـب اللي لفا مـع طريـــق خـــريص
بخـط الــرفيـق اللي زمان الـــعـــنــا شــصه
حدتــه الضــروف وصار بين الثعل والنيص
بـدارٍ قديـــم تــراثــها اللـــبــن والــجـــصه
و أنا في لزومه ملتزم ما اطـري التحــويــص
بتدبيـــر منهو يجـبـــر العـظــم ويــفـــصه
ومدامك بدالك من طريق السعد تبـصيص
لعلـك بخير وقــص درب الــسـعــد قــصه
وخل العــيـون اللي لها بالردى تشــويـص
ولا يســتــويـلـك خــاتـــمٍ ضـــايعٍ فــــصه
ليا صار في بعض المعارف كذوب وحيص
مثل نامــسٍ يـــوذيـــك والـــدم يـــمـــتصه
تبعد عنه لو في تهـــامه وواد الــعـــيـــص
وخــطٍ يــودي للــــردي والـــرد لـــصــه
ومن يقرب الأنذال لا يامــن التـقــريـــص
اجانيـب والامثــل ماقـــيـــل فالـــخـــصه
اخذ من مجرب وترك الظن والتخريص
موصٍ بـها نـفـسي ومـــن لا درى وصــه
لكن أنت ميـز بين بن اليمـن والشـيـــص
قــلايـد ديانـه ماتــناسـب عــلى حــصه
وترى اللي يشب النار ما يرغب التوقيص
ويفتح طـريــقٍ للــصـريـرات واللـــصه
lsh[gm