دوماً اردد هذه القصيدة وهي للشاعر/ مرزوق المقاطي
يارجم أنا ماجيـت مبـداك شفقـان = ولانـي بمشتاقـاً لعسـر المراقـي
يبديك من قضى حياتـه بالأحـزان=وأيس من أيـام الفـرح والتلاقـي
لاشك يوم أبديك كلـه علـى شـان=أسج ساعه لو تعـب عظـم ساقـي
وأرقى على مرقاك غايض وزعلان=وأرجع بغيضي مثل مانيـب راقـي
لا واهنيـك ماتبـيـدك الأزمــان=الناس تفنى وأنـت يارجـم باقـي
العام أنـا ويـاك والزيـن جيـران=واليـوم قربـك عقبهـم مايطاقـي
مافيك غير الطير والذيب سرحـان=وثالثهـم اللـي مبتـلا" بالفراقـي
طير" ليا غنـى وغـرد بالألحـان=أجاوبه مـن حـر مافـي عماقـي
وأجاوب السرحان يارجـم ولهـان=لا وقت في مبداك والذيـب أواقـي
وأصبحت أنا والطير والذيب صدقان=أهل محـل وفيـك كنـا طراقـي
يارجم ياليتك معـك قلـب ولسـان=وتشقى مثل مانيب يارجـم شاقـي
تحتـار لـو نبتـك زباد"وريحـان=ويصبح صريم ويابسـن السواقـي