من جديد الشاعر الكبير /ياسر بندر بن مدوخ الغنامي (سداح العتيبي )
الشرهه اللي تعدل العذر ويميل
مالت .. وعذر المخطيه ما عدلها
واللي شرب من (ماء وجيه) المشاكيل
ملامة اصحابه شربها واكلها
السالفه راحت حقوق ومعاديل
يا اللي تزم بكلمة الحق قلهااا
مادامها شاشه بطوله وتمثيل
مافيه غيرك يا بطلها بطلها
يقول انا الأستاذ ومدرس الجيل
واضيعة الأجيال وخيبة أملها
قامت تخلخل فوقه ام الخلاخيل
تمسح على النحله وتلحس عسلها
دايم معه مطرق وبندق ودربيل
ويقصّ درب الغافله وأيختلهاااا
ضيّع حلاله بين زهران وهذيل
وأمسى يفك اعقالها ويعقلها
ضيقتني بالحيل يابارد الحيل
واللي يجيك امن العلوم احتملها
( لطّامة العايل وذباّحة الحيل )
مادمت ما تقدر على الحط والشيل
لا تعترض بين الحمول وجملها
أفرد لسانك مع هل القال والقيل
وأجمع حروف السالفه وارتجلها
بطنك بطن عقرب وظهرك ظهر فيل
واتـّـقدم الوحده وتآخذ دبلها
قدّام لا تضحك عليك الرياجيل
خل العلوم الهابطه وأعتزلها
قال المثل هجيّ يا شقرا مع الخيل
وهذا المثل لا يق لك ولا يق إلها
lh sv~pj lu `,]ih hgh~ tpgih