البارحه يوم العرب في حلا النوم
اقلب شريط الذاكره واستعيده
لقيت وقت فات مايشبه اليوم
يوم الاناسه والحياة السعيده
اقفى وقفى معه من خيرت القوم
روس الرجال اهل الصفات الحميده
رفيقنا الطيب مقدر ومحشوم
في ماضي الايام والا الجديده
ياقوم ياعصر الحضارات ياقوم
اضواك واجد مير وش نستفيده
لو ان بعض الناس تصحي من النوم
ماتستفيد اهل القلوب البليده
مازارهم مثلي هواجيس وهموم
نوبن تطاوعني ونوبن عنيده
دنيا الشقا ماجت على الكيف لو يوم
ولولا شقاها ماكتبت القصيده
ماكل من طب البحر يحسن العوم
ولاكل من جاء في المنابر وليده
مار الحضيض اللي من الذنب معصوم
وكل العلوم الغانمه في رصيده
سفير الطيب
rwd]m []d]m