__________________
أميل للعزله وأبعد عن الناس *** مابي عيون الناس تنظر لحالي
قلبي من الاحزان تايه ومنحاس *** وعيني تهل الدمع ياعزتالي
ما عدت أواطن عقب فرقاه جلاس *** من حزني يالي ماعطاني مجالي
جو السعاده لي تبدل بالاتعاس *** من يوم عني أبعدتك الليالي
أصيح بسمك كل ماهب نسناس *** لجت بريحك لي هبوب الشمالي
و أذرف دموع الوجد وأقول لاباس *** ومن القهر تصفق يميني شمالي
عزت علي فرقاك ياعدم الاجناس *** ماني عقب فرقاك تايه وسالي