المدن ميــــدان المصــــالـــــح والارباح....وألا الونـــاسة في الفجـــوج الفسيــــــحــــــــــــــــة
شوف الربيع وخضـرتــه عيـــدوأفــــراح....لازان صـــفـــــاره وربـــلــــه وشــــيــــحــــــــــة
وريح الشمطـري والنفـــل فيـــــه فـــواح....ونبــــت الخـــزامــى ينـعش الروح ريــــــــــــحــة
سجــة ربيــع تخـلــي البــــــــال ينـــســــــاح....شـوف الحـيـا طــب القلــوب الجريحــــــــــــة
وشبيـــت نارك في الضحى بعـــــــد مســراح....وحــط الــدلال وجــب راس الـذبــــــيــــــــحـــة
والكــيــف صبـــه للنشـــامــى ليـــا فـــــــاح....روس الـرجــال أهــل الوجيــه الفـــــــــليـــــحـة
وتشوف نزل البدو في كل صحــــــــــصـــاح....أهــل المــراجــل كــاسبـــــــين المــــديـحــــــــــــة
ذيـــــدانـــهـــم بــين الغــــرامــيـــل طــيّـــــاح....فــي خــأيــعٍ نـبـتــه يـهـيـــض الـقــــريـحـــــــــة
وحــــان المســــاوالصــــدر شـــرحٍ ومرتــاح....والنـــفس من ضغــــط البلدمســــتريـــــــــحــــة
ودارت علــــــومٍ بـيـنـهــــم جـــــد وأمـــــــزاح....وفيهـا الطـرايـــــف والحـكـم والنــــصــــــــــيحـة
مـاهــوب مجـلـس شلـةٍ مثـل الأشــــــــــــبـــــاح....اللــي مـجـــــالـسـهـم ضـيـاع وفـضــــــــيـحـــــة
الله يـــهــديــــــــهـــــم علـــى درب الإصـــــــلاح....ومـن الـتــــــعــاســةللـحــــــيـاة الـصــــــحـيـحـــة
الصداقة بين روس الرجال إلها مقام ... ولا تعـــبرها خـــدوشٍ ثــقيلٍ دمـــها
للصداقة قـدر وحـــدود وآداب ونظام ... للرجـــال اللي علــوم الرجال تهمــها
والصداقة لا تعدت حـــدود الاحــترام ... حطها في حفــرةٍ فالتـــراب ودمـــها
والردي لو يلبس التاج ويحط الوسام ... ويترقى فالرتــب والكنـــوز يلمــــها
لا تحطه فالشدايد ليا جاتك حـــــزام ... الحبال القـــــاصرة ما تـــورد جمــها
والمنافق لو تستر بمعســــول الكلام ... مثل الأفعى جلدها أملس ويقتل سمها
و النمايم نقلها يعتــبرعــيب وحرام ... و الخديعة كــل عــاقل تراه يذمــــها
والحسود اللي من الحسد قلبه ما ينام ... لو يحصله مصــيبه يجيــك يزمـــها
بعدك عن اللي ما يودك مع البيــد .....تسوى كنوز التاجر اللي رصدها
فرقاالوجيه الناشفه يعتبر عيــــد...... بعض الرجال اللي قليلٍ رشدهــا
لو جتلي الدنيا على كيف ماريــــد ......أقفيت عن هاك الوجيه وبلدهـــا
يقطع رجالٍ ما تعرف المناقيــــــد...... ولا همها اللي في المجالس نقدها
ناسٍ لياجات اللوازم ملابيــــــــــد ......يـقـوم راع الــلازمه مـاوجدهـا
ولا قط شيل الحمل فوق المفاريـد.... والحنظله مايربح اللي حصدهــا
وخوة رخوم الناس بعد الأجاويد .....تجلب على النفس العزيزهنكدها
وخوة مناعير الرجال الصناديــد ....يا عبيد يعرف قدرها من فقدهــا
ذخاير اهل الشلف وأهل البواريـد..... مثل الحراراللي ينومس هددهـــا
اهل الشيم واهل القيم والتقاليــــد..... ودار الحيا من حل فيهاحمدهـــا
قلته واناماخص مسعود وسعيــد .....ولا يستوي حصنيها مع فهدهــا
والناس مالي من وراها مقاصيـــد ......الناس لأخشاها ولا ابغى مددهــا
أنصحك يابن الحموله يارفيع المقـــــــــام .....لاتنخدع في كلام النـــــاس وأجسامـــــهــا
يابن الحموله ترى منزلك فوق السنــــام .....لاتنجرف مع رخوم النــاس وخمامهـــــــا
حثالة الناس رفقتهم تجيب الهيـــــــــــام .....لوكان يعجبك مظهرهــاوهندامهــــــــــــا
وصحبت رجال الكرم والطيب والإلتــزام..... تنفعك يوم الاخــــــلا يكثــــــرخصامهــــا
وصحيبك اللي ليا جات الشدايد حــــــزام .....لاتستمــــــع فيه كاذبهــــــــــــاونمامهــــا
وقص العراقيب للأجواد عيــب وحــــرام..... هذي طريقت ضعوف الناس وأقزامهـــــــا
والصمت حكمه ويغني عن كثير الكـــلام..... ويبعدك عن جالـــــب الفتنـــــه وسوامهـــا
والصبر والحلم دايم من صفات الكــــرام..... والعلم يبني قصور العــــــــزوخيامهـــــــا
ومن عامل الناس بأخلاقٍ وأدب وأحترام .....يصير في مستوى الغالي من أرحامهـــــــا
والمرجله حاميه ما هيـــــب برد وســـلام .....المرجله صعبــــــه الا عنــد من رامهــــــا
ولا تحسبنك مقيــــم وفي بـــلاد المقـــام..... تراك في رحلــــــةٍ مســـــــرعةٍ أيامهــــــا
كتبت بعض الخواطر والمطايـــا همــــام..... والناس كـــل البضايـــــع تعرف أقيامهــــا
وأستغفر الله وأتوب إليه قبل الختــــــــام .....وأبرى من الشرك وأهل الشرك وأصنامها
عساه يغفرذنوبي في نهـــار الزحــــــام .....في ساعةٍ توزن الحسنات وآثامهــــــــــــا
في ساعةٍعندها الظالم يعض البهـــــــام .....لا فـــــرق بين المـــلوك و بين خــــدامهـــا
تمت وصلواعلى المختار سيد الأنــــام .....شفيع الأمه بيــــوم الحشـــــروإيمامهـــــا
مد العرب مايدوم ومد ربي يــدوم ..
غناة ربـــي عن العـالم ومناتها
لصار حاجتك يالرجال عند الرخوم ..
جنب ترى الناس تقنع دون حاجتها
واصبر على مايصيبك برد والاسموم ..
ودورات الأيــام لا تزعلــك صكاتها
وكـم حـاضرٍمايغيب الا نهارالـلـزوم ..
لاخــيــر فــي رفــقــتٍ هــاذي عـلامـــاتــــهـا