البارحة عيني من النــوم جالـــها
عن النوم بان الصبح وهيه مصالفه
ونشدت ويش الـجاري الي جــرالها
وهلت من العبرات قالـــت موالفـــه
تبكي على أجيــالٍ تقافت رحالــــــها
عظامهم في باطــن الارض تالفــــه
ومجالسٍ من ضاق صدره عنـــالـــها
صدوقٍ مسولفها تسلـي سوالــفـــــه
ماعاشت بذل إن قل وإن كثر مالــها
عاشوا بنجد وعيشةٍ فـيه كالــــفــــه
وراحوا وجا قومٍ كثيراً جــــــــدالـــها
الجمع واجد والقلوب متــــخالـــــفـه
وتسيد مسولفت المجالـس ارذالـــهـا
كـــذوبٍ يزكي كــــذبتــه بالمحالـــفــه
خدوش الرجال مسولــفة ماطرالـــها
ليا راح للمجلس مع الدرب خــالفـــه
موتك بعزٍ مامعك ماتذوقــــــــــي .... أخيرلك من عيشــةٍ بالــتلــصـــاق
الرزق مكفولٍ لكل مخلوقـــــــــي.... اللي خلق خــلقه كـــفيــلٍ بالارزاق
مافاز بالرزق القوي السبوقــــــي.... ولاتغتني ياللـــي للابــواب طــراق
من عاش بالحيلات مات محروقي....لــقــمــــة بخـــيلٍ ماتهــنى بمـــاذاق
اللي لياشاف المسير فهوقـــــــــي ....وجه البخيل اللــــي للأديــان زعاق
بابه لياجوه الضيوف مغلوقـــــي.... ماهوب ملفى ضيف صالون حـــلاق
ياراكبٍ حـرٍ من الـهجـن عـمـلــي ... هميلعٍ يزها السفايف وتــزهــــاه
عامين في نبت الشفاء مستهــمـلي...ماساقه الشاوي مع أطاراف معــزاه
عليه قـرمٍ بالــــوصــاه ألــتزمـلــي... يلفي سعد ويمد خطي بــيــمــنـــاه
وقله سليــت عن المعــاوين كــملــي... بعد فقدت اللــــي بشوشٍ مــحــياه
أن تهت عن درب العوارف رسملي... أدل لو أضيع الــدرب بـــــريـــــــاه
واليوم لـوبعض الوجيـه أبتسمــلــي...كم واحدٍ ماتــضحــك الا شــفــاياه
يضحك وقلبه لي من الغيض مملي...وعيبي مغير اسوي الطيب وانـساه
والمعذره واقبل سلامـي ودمـلــي... والنــوم زينٍ للــقــلوب الـمــغـــطاه
شعر مشلح بن براك الغنامي
الــــــــــــــــــــــــــــــــــــــــــــــــ ــــــــــرد
هات القلم يامعيض لاهنت ابـملي... قافً يسر البال يامعيض مــبـداه
رداً على اللي في قصيده زهــملي... اللي تعسرني بـقافــه ومــعــنــاه
ياراكب اللي مامشت خط رملــي... سواقـها فــي الجــوماتـاه مـــمــشاه
الفجربالخط المضرف جــهــملي... وضحي في ديرة هل الجود والجـاه
تلفي على اللي كل مامال حــملـي ...عني يشيل الحــمــل والهـم يـنـــياه
ياللي تقول اليوم محدٍ حشمـــــلي... ماصار شيً يوصل العلـم لـــقصاه
وان حسك اللي قربهم قرب نملي...البعد عنه أخيرلــك مـن مــنـاحـاه
وسود الليالي فرقت كل شمــلـــي...ماحدٍ معافى من غرابـــيـل دنــيــاه
واللي رحل مرحوم والذكر جملي...واللي بقي مايرخي الراس لـعـداه
شعر سعد بن براك الغنامي
ضايق الصدر للمشراف شدالرحــــال...طلعةٍ في حجاه شريق تشف العليل
زين سج القدم مع مجرهد السهـــــال...لوتنحرت مضماةٍ بليا صمــــيــــــل
خيرلك من مجالس قوم قيلٍ وقـــــال... ناقصين الرجوله مظهرين الحفيـــل
مالهم غير عثرات الخلايق ســـؤال...بين صاحب وصاحب يشعلون الفتيل
زبدة العلم تكفي عن عراضٍ طوال...الخلايق رضاهم سابع المســتــحيـــل
لاتسبب لك احداث الدهر ضيق بال...ولاتحط الخيال عن الحـقيــقة بديــــل
ولاتقابل خطى الجاهل بزود انفعال ...دايم العفوعند المقــدره فالأصـــيـــل
والكرامه تراها مــال ياوي مـــــال...والشحاذه تراها من صفــات الذليـــل
ما توردك للجمة قصار الحـــبـــال...والردي ماينومس من يحطه خــليــل
للسوالف رجال وللمواقف رجال...وأبخل الناس ذوجاهاً بجاهه بـخـيـــــل
لاوسيلة وصول ولاقناة اتصــال...حنظلة لاطـعــام ولاش ظـلٍ ظـــلـيـــل
رشيد الزلامي يسند على مشلح بن براك الغنامي
لاعدت يارجمٍ طويلٍ بديــــــته...وهمٍ على روس الرجوم إيحدانــــــي
أخذني التفكير لـــين اعـــليــته...وجدد جروحٍ مرمسه من زمانـــــــي
إن رحت للمرقاب هـــمي لقــيتــه...وإن جيت بين الناس همي لقانــــــي
يمشي معي في كل دربٍ مشيته... دايم يطاردني ويعرف مكانـــــــــي
أنا الذي بعت العذاب وشريــته...أنهيت وضع وصرت في وضع ثاني
ونخيت مشلح ليتني مانخيـــته...عنده سعة خاطروانا الموت جانـــي
قالوا رفيقك في خطرقال ليــته... يموت وشهيد المحبه جنـــانــــــــي
تبالي الجنة وراسي نســـيتــه... الله لايجزاك من مـــــــودمانـــــــــي
لاصار لك عندي لزومٍ قضيته... والاآخره ماعطيك عنها ضمانـــي
رد مشلح بن براك على رشيد الزلامي
رشيدأنا سارٍ بـــــلـيـــــلٍ سريتـــــه...وماجاك من لوعات الأيام جانـــــــــي
ان كان تشكى الهم أناقــــد شكـيته... واللي وطاك من الدهر قد وطانــــــــي
من ماب قلبي كـــــل رجــمٍ بديـــــته...أباه يشفي علتــي ماشـــفــانــــــــــي
لاشفت مشرافٍ منيف ارتــــميتــــه... ولااجلسبه الا الهم يجلس وزانـــــــي
تضحك وأنا الضحك الحقيقي نسيته... وترقد وأنا حلو الكرا ماهـــنانــــــــي
لافات يوم اللي وراه احــــتريتــــــه... اعد عد المــنتـــظر لـــــلـــثـــوانـــــي
هاذي مشاكل مشلح اللي نخـــــيتــه... والمنتخي مدري على مانخــــانـــــي
رفيقي الطيب بروحـــــي فــــديـــــته... عند اللزوم افداه والعــــمـــر فانــــي
لوقالي دور مـــــــقاط اقــــتفـــيتــــه ... افزع معه لولا الـــتهـــــالك رمانــي