راح زمان اهل اللحى والفناجيل
وياكثر من يحسب يمينه شمـاله
ماعاد به الا الكدش والمهـابيل
ماعاد به ناس(ن) عليهـم تكــاله
استرجلي يابنت مابه رجاجيل
هذا الزمن حنا غدينـا عيـاله
استرجلي جعل العوض ف المقابيل
وكلن على ماقيـل عقله حلالـه
استرجلي ي ام العيون المظاليـل
بعض الرجال اليوم يابنت عـاله
السالفـه ماهـي تشبـّه وتطبـيــل
السالفـه حمـله وضد السفاله
وماهي حشـا للـه ي ناس تقليـل
لكنها للي مضيــع عقـــاله
بعض الرجــال اليوم يحتاج تحليـل
ترى الرجوله اعتمد واستقـاله
استرجلن ي لابسات الخلاخيـل
والقصد واضح والمعاني رسـاله
صح لسان الشاعر
عجبتني
vhp .lhk hig hggpn ,hgtkh[dg >>