منتديات شبكة قبيلة الغنانيم الرسمية - عرض مشاركة واحدة - ديــــــوان الشاعر / رحـــــيــــــم الغــــــنــــــــامي

01-24-2012, 01:41 AM

#26

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

لاح بــرق القصـيـد وراعــده دنّــي

فوق حدب الضلـوع وقـام يسقيهـا
مـن هجـوسٍ مطرهـا لا سبلهـنّـي

اغرق اضلوعـي اسفلهـا باعاليهـا
احيَـت عـروق قلـبٍ مَيـت واحيّـنّـي

لـيـن دار القريـحـه ســال واديـهــا
يازمـان الشقـا خلـك عـلـى ظـنّـي

ليه تخطي علـى روحـي وتشقيهـا
مثل مـا اعاملـك بالطيـب عاملنّـي

وخاونـي فـاول الطـرقـه وتاليـهـا
حس وارفق على قلبي وجاملنّـي

وادرس اوضاعي وحسّن دعاويها
انطـح اعـداي معـي وحدّهـا عنّـي

مثل ما انت بعلـيّ اعـداي حاديهـا
لـي سنـه كامـلـه مانـيـب متهـنّـي

مـن عنـا ايـامـي الغـبـر ولياليـهـا
عقب ما كنت اخاو الذيب والجنّـي

والاوادم مـا ناديهـا بــا اساميـهـا
انـتـخـن ســـود الايـــام وتـحـدّنّـي

لين وقتـي علـى الصابـر عطانيهـا
فرق بين الدمـوع وضحكـة السنّـي

ومـن يـدوّر عـلـى الثنتـيـن لاقيـهـا
لــو يفـيـد التـمـنّـي كـــل متـمـنّـي

ماغـدت حاجـه مـن ايديـن راعيهـا
مابقـالـي مـــن الـدنـيـا ولا مـنّــي

غـيـر الاحــلام وعـيــونٍ تراعـيـهـا
والعـديـم الـلـي بفـرقـاه شاحـنّـي

عفـت مـن بعـده الدنيـا ومـا فيـهـا
سلّـمـولـي عـلـيـه وعـلّـمـوه إنّـــي

نـار عمّـار مــن فـرقـاه اصاليـهـا
كـل بـادي نهـار اضحـك يذاكـنّـي

مثـل مـا قـيـل حاميـهـا حراميـهـا
وان ضوى الليل قمت آنوح وآونّي

مـن همـومٍ علـى صـدري مضوّيهـا
ازعـج الصـوت تـال الليـل وآغنّـي

(جمرة النار تحرق رجـل واطيهـا)
لا يخلّيـنـي الـيــا جـيــت متـعـنّـي

نـازحٍ عـن غثـا الديـره واهاليـهـا

__________________

منتديات قبيلة الغنانيم