اقتباس:
المشاركة الأصلية كتبت بواسطة أحمد
شــابــت صـوابـرنـا وشـابــت لـحـانــا=وحـنـــا بـعـدنــا مــالــحقنـا المطاليب
نـطـرد ورى الـدنـيـا بــلاهــا كــفانـــا=والحظ يخطي بعض الأحيان ويصيب
ظــروفــنــا صـعبــه وصكــت عــلانــا=صكــت عليـنـا ابوابها بــالــكوالــيــب
يـامـا علــى روس الطـويلــه رقـانــا=عــاداتـنـا المشراف فـوق المـراقيــب
ويـامــا مشانــا ليــن تـعبـت خطـانــا=ويـامـا تـعـرضنـا سمـوم الـلواهيــب
ويـامـا علـى روس الأفاعـي وطـانـا=واحيان ناخـذها بروس المشـاعيــب
وكــم لــيلــة غبــرا كحيلــه ســرانــا=نـسـري مساري مـاسرى مثلها الذيــب
واحـيـان نـصـبـح مـالـقـانــا عـشـانــا=لـلـجـوع صـرنـا يــامـحـمـد مـعـازيـب
ادروبــنــا خطــره وفيـها مـشــانــا=دربٍ مـشـتـه اقـدامنـا عسر وصعيـب
نـصبـر علـى مــر الــزمــن لاسـقـانــا=نـشـرب همـاجــه وانتجـرع حثاريــب
لــعــل تــال الصبــر يقطــع ضـمـانــا=ويصبح هماجه عذب صاف المشاريــب
واللــه لــولا حــاجــةٍ مــاسعـانــا=ولاهمنـا فالــوقــت كثــر العـذاريــب
مـن قـاسـي الايــام جـــا مـاكـفـانــا=وخـذنـا من الدنيـا دروس وتجاريــب
يـالـلــه يـالمـعـبـود رافــع ســمــانــا=يـاخالــق الـمخلـوق يـاعـالـم الـغيــب
مـاغيـرك الـلــي يـستـجيــب لـدعـانـا=مـايـلـحــق الـمـعبـود شـكن ولاريــب
يــارب أنــا طـالبـــك حـقــق مـنــانــا=حـقــق مطـالـبـنـا قبــل شمسنا تغيب
وأكتـب لنــا الحسنـات واغفـر خطانــا=مـاغيـرك المعبــود يـــوف المطاليب
قصيدة زاهي الغنامي
( العود أبو ماجد ). |
ونعم ونعم ونعم فيك انت والعود ابو ماجد ياحي والله هالراس من العود ابو ماجد
انت ماعينته كيف صحته والله شوقتنا لوقته ؟ وصل السلام والود والقدير له.
كل الود لك اخوي احمد