أحذف تردد قناة سكوب / البثّ ماهوب من قلّه
إعلامها فاسد ومجروب / بين القنوات مختلّه
للتفرقه تلعب المسحوب / وترقص على دبكة الشلّه
من عرضها كم تشيل ذنوب / ما تعرف تشخّص العلّه
وضيوفها عنتر وشيبوب /كل ٍ معه سيف ٍ يسلّه
للردح قامت تجرّ الثوب / ومالت عن الدين والملّه
أقزام من كل حدب وصوب / تلعب بنا كورة السلّه
ياليت فجر السعيد تتوب / وتستغفر الله عن الزلّه
لوعندها بالكلام اسلوب / وشلون ماخافت من الله
لسانها طايل ومقلوب / ينشف من الذنب وتبلّه
يا ستّ كل البنات العوب / طلّي وحي الله الطلّه
لو ما لقينا عليك دروب / النصح ما حلّ في حلّه
مير احذري والحذر مطلوب / ما ينقبل منطقك كلّه