ودي ولكن كيف تحقيق ودي
عيا زماني لايجيني على الكيف
فصلت من خام الشقا ثوب قدي
وهميت نفسي بالمنا والتحاسيف
يا ما تمنيت الدقايق تهدي
ويا ما تمنيت الشتا ينقلب صيف
بلغت من كسر المعا ليق حدي
وأصبحت فعيون المخاليق تأليف
وصارت دموعي سايله فوق خدي
عجزت اوصف بعض الأحوال توصيف
وما وحيت لي من قال وش فيك ردي
ألا وأنا اسمع في ضلوعي تراجيف
تخنقني العبرات لاجيت اعدي
قصة حياتي بين أمان وتخويف
ما شفت بأول مبتدى العمر سعدي
مضيت بأحزاني تفوّق وتشريف
تسلسل الأحداث حبلٍ يشدي
نارٍ توهج داخلي دون تخفيف
امشي وكن الشي عكسي وضدي
كن القدر يستوقف الذات توقيف
وأقوم واجلس بين سهرا وسهدي
وأنام واصحي في خلاصي على كيف
غريبةٍ مابين الأحباب وحدي
كلٍ يطرفني مع الوقت تطريف
الملتاعه
e,f r]d